أنا إنسان
وأبسط حِلم جوايا
أعيش في أمان
عشان الحلم يتحقق
بَنادي وأقول بأعلى الصوت
أعيش او أموت
أنا دمي فِدا بلادى
أعز وأجمل الأوطان
أنا إنسان
وليه يا بلادي
أكون عايش ومش عايش ؟
أنا منك أنا إبنك
أنا باقى على عهدك
وإسمي حروفه من إسمك
ليه حطاني ع الهامش ؟
أنا بيكِ أنا موجود
ليه بينك وبيني حدود
أنا المولود على أرضك
وعهد عليا أصون عرضك
ويكفيني أنول ودك
أنا بيكِ أنا ليكِ
بكل الحب بَناديكِ
أنا بروحي أنا بدمي
أنا يا بلادي أفديكِ
ومهما تكوني يا بلادي
عمري فى يوم
ما أعاديكِ وبَراعيكِ
أنا باتمنى يتحقق عشانك حِلم
وحِلمي ما أبدا يوم
تشيلي الهًم
ويوم ما الحلم يتحقق
يكون بالعدل ويا العِلم
جمايلك تاج على راسى
يا أعظم اُم
أنا منك
أنا إبنك
وليه فيكِ بَشوف المُر
ليه عاوزاني
مش عايش فى حُبك حُر
ده حُبك
أحلى أحلامي ومش بالأمر
ليه فيكِ وأنا عاشقك
أشوف الذل !!
وأنا أحلامي يا بلادي
أشوفك إنتِ فوق الكُل
عادل علي
ليست هناك تعليقات:
إرسال تعليق