غرور الديب
=======
ونشكي م الزمان ونعيب
وعيب العيب يدوب فينا
وتشرق شمسنا تغريب
وتتلكع خطاوينا
نسافر عمرنا في الشيب
وشايبه فيه أمانينا
يفوح الزهر فيه بالطيب
وتتعطر مراسينا
نلوم النفس بالتأديب
غرور الدنيا يلهينا
متاعها غول بياكله الديب
يبرطع في مراعينا
وننبش في قبور الغيب
وينهش دوده يردينا
ياواخد دنيتك بالريب
هتتعرى في وادينا
لا نافع في القبور محاسيب
ولا سلطه تتاوينا
========
بقلمى سامح توكل أبوالسبح
ليست هناك تعليقات:
إرسال تعليق