فضفضة على الورق
،،،،،،،،،،،،،،،،
آه ،، آه. آه يا ولدي لماتخدك الأيام
بصبر عليك وبسأل عليك وبطمن
لما ولادك يقولو بابا ،، بابا نام
مش مهم تسأل عني مش مهم
تيجي وتشوفني
المهم أنت بخير يبقى كله تمام
بس لازم أعتب عليك
هو أنا مليش فيك والا لازم
أفكرك بأيام زمان
عجزت أنا يا ولدي،، والا أنت شايف
شعري ابيض وشاب
لا ،،لا ،، وحياتك أنا لسه قلبي شباب
مش عايز حاجة منك غيرش بس
شوية حنية ،،، وتحن بسؤالك عليا
خلاص كده يعني
علشان اتصلت بيا وكلمتني
كده أنت اطمنت عليا
لسه مستني منك كتير والحكاية
مش حكايهة فلوس ولا هدية
أنا محتاج بس الحنية
، أنا،، أنا،، ياولدي
أنا مش ماضي ولاذكرى
ولا هامش
ولا مجرد خاطر على
الفكرة
أنا نغم فى بحر أنين
وضحكة ،،، وغنوة
ولحن حزين
أنا مش مجرد صورة
في مراية
ولا كلمة فى حكاية
انا ألمي ساكت جوايا
وقلمي لوكتب عني
يكتب قصة ورواية
،،،،،،،،،،،،،،،،،،،،،
أنا نبع حنية فى دنيا
‘قاسية ومنسية.
وحلم ضاع مع
ريح عتية
،،،،،،،،،،،
والعمر والصبا
ولىُ،، وراح فى
شوية حاجات
مخفية
فى شوية حاجات مخفية
بقلم / ابراهيم ابو الحديد
ليست هناك تعليقات:
إرسال تعليق