قصيدة"ورقة وقلم"
------------------------
مديت إيديا....
وجبت ورقة والقلم
ودموع عنيا....
بتحكي عن قصة ألم
وقلت أكتب حكاية
حلم عمري اللى اتهدم
حكاية قلب....
ضاع منه حُبُّه واتظلم
وابتديت اكتب حكايتي
من يوم ما شُفتُه وابتسم
من يوم ماالقلب حَبُه
والفرح فوق وشي اترسم
وكانت بداية قصتي
غرام مع أحلام وكلام نغم
أما النهاية بجد كانت مؤلمة
لما اتقتل حُبي ومين المتهم
ومابين بداية القصة
ونهاية فصولها...
أحداث كتيرة...
مالية قلبي اللى اتزحم
وملخص الحكاية...
في البداية.. هيَّ ضحكة
وفي النهاية دموع ندم..
------------------------------
بقلم : م/ محمود الحريرى
ليست هناك تعليقات:
إرسال تعليق