((( دمع الأماني )))
ليه يا دمعة خانقة حسرتي
وليه طعم الكلمة مر ف لساني
تمر الأيام وأشوف وحدتي
يبكي الندم ويرثي على حالي
آه من زمن ما رحم يوم غربتي
ولا يوم صاحبني وريح بالي
يفرش وهمه ويبارك زلتي
ويرسم صحبة تقلب كياني
إحساس الغدر غريب ف دنيتي
خلى بحور الأسى من غير شطآن
ليه يا دمعة خانقة حسرتي
وليه طعم الكلمة مر ف لساني
يا ما صبرت على فرقة فرحتي
يامين يتحمل ويكون مكاني
غدر الصحاب والأحبة ووحشتي
صدى لحن ملك حزين موالي
أداري عن مين شكوى أَناتي
ورحمة القلوب أصلها كتاب مثالي
وأهي دنيا أنا فيها عايش قسوتي
إفرحي يا دنيا وإسبحي بدمعي الجاري
ليه يا دمعة خانقة حسرتي
وليه طعم الكلمة مر ف لساني
لما الحبيب ينسى شوقي ولهفتي
يبقى إيه فاضل من جحد زماني
لما يهرب من ليلي حديث نجمتي
يبقى فين من عيني دمع الأماني
لما أدور وأجري على منيتي
عذاب الصبر ما يهدي أشجاني
عارفين ليه الدمعة خانقة حسرتي
عشان بقيت للنسيان ذكرى إنسان
ليه يا دمعة خانقة حسرتي
وليه طعم الكلمة مر ف لساني
&&&&&& يحيى نفادي سيد
ف 22/8/2021
ليست هناك تعليقات:
إرسال تعليق