حكايتي مع العصفورة 4
وجــع الـقـلــوب
قلبي عليل يا طبيب
ممكن تداويني؟
عندي بوادر ألــم
وصدري يكويني
ونَفَسي مكروش تاعبني
والنوم مجافيني
والقلب دقاته زادت
فيه "نغزة" بتجيني
والجسم أصبح نحيل
بانت شراييني
والنّفْس للأكل مَلّتْ
والشربة تكفينى
إيه العمل يا طبيب
إوعى تقول تحليل
عاوز روشتّة يا صاحبي
م الحب تشفيني
قاللي الطبيب يا عليل
قلبك عاوز منظار
نخش جوّه نشوف
ونعرف الأخبار
ومقطعية ورنين
ع القلب مطلوبة
يمكن نلاقي السبب
ونزيله بالمنظار
*****
وبعد ما أنعشوني
جالي الطبيب تاني
ضحك فى وشي
وقاللي عرفنا الجاني
لقينا عصفور جميل
فى الأورطي ومعشش
صعب علينا الحليوة
سيبناه ينام تاني
سيبناه ينام تاني
آآآآه يـا قـلـبـي يـانـي
رفـعــت مـحـفــوظ -الإسـكـندريـة
ليست هناك تعليقات:
إرسال تعليق