.......*( يمكن )*.......
إمتى نحس بطعم الحب
وندوق شهده العمر بحاله
يشفي جراح العين والقلب
لما ح يسعد حالي وحاله
أصل قلوبنا لما تحب
ترقص روحنا على أنغامه
حتى الناي م الفرحة يغني
والكروان ح يقول مواله
************
يمكن بحلم والا أنا صاحي
إني عايش حب حقيقي
يشفي آهاتي ويا جراحي
بدر ينور كل طريقي
ممكن فيه بالشكل ده حب؟
قلب يشبك إيده ف إيدي
يبدر أرض الدنيا محبه
يقول لشموع الحب قيدي
************
جايز يمكن أكون غلطان
إني كتير جيت على قلبي
ياما نصحته ليالي زمان
لما لقيته هيمان ويخبي
طول الليل حيران سهران
محتار يبكي والا يغني
خوفت عليه وندهت عليه
روح لحبيبك لو مستني
************
بقلمي/اسماعيل عبدالهادي ابوالعلا
ليست هناك تعليقات:
إرسال تعليق