الحب في لحظات إحتضاره
خواطر
++++++++++
الحب في غرفة الانعاش الحقوه
لموا اللي باقي منه وانقذوه
دا عايز قبله الحياة يالا بسرعه
قبل ما تخسروه
+++++++++++++++++++
القلب بيئن ويطلع النفس الأخير
قولتلكم ماسمعتوش كلامي ودا
نتيجه التأخير سايبينه بتتفرجوا
عليه
++++++++++++++++++++
عاجبكم حالوا ولا وصل ليه
خليكوا عارفين انتم اللي من ايديكم
ضيعتوه كان بدل ما انتم تاركينه
لوحده كنتم ترجعوه
+++++++++++++++++++++
ماهوش مستحيل ولا ضرب م الخيال
بالعزيمة والإصرار أكيد مافيش شيئ
صعب المنال...الحب مايستهلش انكم
تعافروا علشان يرجع تاني ويتنفس
من جديد إيه فايدة إننا نعيش
لا ح ينفعنا المال والجاه ومن غيره منساويش
++++++++++++++++++++++++
أظن لو مرجعش تبقي خسارة فينا الحياة
وبكده تبقي علي الدنيا السلامه وطريقنا
وصل لمنتهاه...الحب قرب يندفن يالا
استعجلوا وهاتولوا الكفن ياما دقت علي
راسنا الطبول ومرت علينا أهوال ومحن
النهارده يوم الامتحان قولي فين إجاباتك
يا إنسان لما اتقابل ربنا ويسألك عن الحب
إللي كان في لحظات احتضاره محدش
حس بيه وانقذه ماتتعشموش إن حد
فيكم ح ينجح ويوم الامتحان يكرم المرء
أويهان
سحر أحمد محمد
ليست هناك تعليقات:
إرسال تعليق