متسألنيش
خواطر
---------
متسألنيش إنت إيه ولا إنت مين
كلنا ولاد تسعه وبني آدمين
يا عم إنت أتولدت وع راسك ريشه
خلاص مليت من ظلم البشر
وتعبت م العيشه
عيبي الوحيد إني حساس بزيادة
ومن كتر ما باكل في روحي
انسليت ع عودي ووزني بقي زي الريشه
إيه اللي ناقص الغلبان
طول عمره واخد ع الشقي وتعبان
ما هو في الأول والآخر زيك
إنسان
مش علشان شويه فلوس تدوس
ع رقاب العباد
شوف القبر متر في متر
مش ح تاخد حاجه معاك لا مال
ولا جاه ولا سلطان ولا زاد
مسيرك في يوم ح تفارق
وكله بميعاد
ح تسيب وراك كل اللي منك أهلك
وأحبابك والأولاد
عملك إيه المال لما افتريت واتكبرت
ع خلق الله
نسيت ان فيه رب شايفك ف علاه
مساعدتش ليه المحتاج
لما كان واقف ع بابك وطردته
ياريتك كنت حنيت عليه وطيبت خاطره
بس فيه رب كريم مش ح ينساه
وأكيد راح يشمله بكرمه وعطفه
نصيحه انزل من برجك العاجي
وخليك متواضع وتعرف إنك ولا شيء
ولازم تكون لله خاضع
لأنك من التراب وإلي التراب
وفي يوم ح تروح الصحه والشباب
ومش ح يبقي غير عملك
واتمني رضي الله وتكون الجنه أملك
#سحر أحمد محمد
ليست هناك تعليقات:
إرسال تعليق