السفر
للسفر حكايات كتيييرة
لكل واحد حكاية شايلها
جواه
اللي مسافر لجل حلمه
واللي مسافر لجل امه
واللي سافر لجل المال
السفر مش مجرد
شنطة وهدمة
السفر ده حياة
اللي سافر هروب
واللي سافر علشان يتوب
واللي سافر من قسوة الحياة
واللي سافر لجل يريح
ابوه من الهموم الجبال
ودى صفة الرجال
واللي سافر وساب لاهله
جروح ما تطيبها الايام
لانه كان سند وضهر
و عزوة وهو مش دريان
دمعة الاب نازلة من عيونه
تكوى قلبه
عمله شرخ كبير جواه
هو بس اللي حاسسها
اصل بتتسحب منه روحه
بيودعه وهو خايف
يكون ده اخر سلام
يضغط على ايده بحرقة
ويقوله تمتمات كلام
هو بس اللي عارفها
هو بس اللي حاسسها
من ضمنها
شيل عنى
الهم يابنى اصل ضهري
انحنى من كترة الحمال
واوعى تخدك الغربة وتنسى
انك سايب جسم والروح
واخدها معاك اصلك يا
بنى انت سندي وضهرى
وخايف اموت من غير
ما تاخد عزاى
سافر الابن وتغرب وشاف
مر الحياه اصل كان كل
همه انه يجمع مال
لجل يعود ويفرح ابوه
ويمسح الدمعة ال شافها
اللي شرخته تمام زى ما شرخت
ابوه مكنش يعرف ان الغربة
واعرة وهتخده الايام
ويوم ورا يوم بيعدي
وتعدي معاه الحياة
اه عمل مال وفرح
اللي منه وريحه وشال
عنه الهموم
بس هو جواه
شئ بيشيخ ومابقى عارف
ده شتا ولاخريف وهه كلها ايام
اصل خلاص اتعود ع الغربة
بقت حته منه ومقدر يعود
بنى بيت وعيلة وبقت الغربة
وطن ما عارف يهرب منه
اصله لو هرب هيروح لمين
البياض ظهر فى راسه
كل شعرة منها بتفكره
باهله وناسه والسنين
اللي راحت وهي كلها حياة
اه يا غربة وخدانا اهدى
وبالراحة علينا اصل
كلنا متغربين اللي متغرب
وسط ناسه واللي متغرب
وسط ذاته وكلنا متغربين
و كلنا متغربين
ليست هناك تعليقات:
إرسال تعليق