🤣بيكيا🤣
دي حاجات للبيع قرب قرب
روبابكيا يابيه وأنت هتكسب
ترويقة لعيشتك .. وحياتك
وأكيد بيها تسعد وهتغلب
***
تعاليلي ياهانم .. وبسرعة
ابعدي كراكيبك يا الحلوة
وعيشيها حياتك بالمللي
تستاهلي الدنيا تكون غنوة
***
ما اقصدش الكراكيب البيكيا
لو شاغلة حياتكم أو بيتكم
أنا قصدي الناس اللي تاريخها
بيه عاشت علشان تقرفكم
***
الحاقد والحاسد .. دايما
بيعوز الحاجة اللي ف إيدكم
ده السوس اللي بينخر فيكم
باصص فى حياتكم وف بيتكم
***
اخلصوا فى الحال منهم وانتم
ح تلاقوا الراحة اللي تفيدكم
وتعدوا لبر ..مريح ليكم
وهتنسوا البيكيا اللي فاتتكم
***
🤣بقلمي/ صفاء الخواجة 🤣
رداً على خاطرة الشاعرة
سحر أحمد محمد
ليست هناك تعليقات:
إرسال تعليق