* إنسان *
................
من وقت ... قُريب
كُنت بشوف الناس
أحباب ... كُنت بشوف
في قلوبهم .. طِيبة
ولا كانت أحوالنا
غريبة ولا كان بينا
ياناس ... أغراب
من وقت ... قُريب
كان الجار دايماً
للجار .. وياما قالولنا
إن الجار قبل الدار
وكان الأخ رُوحه
لأخوه وكان تقدير
جامد .... جداً
لأمُه .... وأبوه
من وقت ... قُريب
كُنا بجد بني آدميين
كان فيه ... بينا
قبل الود وقبل
الرحمة أصول الدين
كان فيه ... بينا
مساحة ... خير
وإحنا عليها متفقين
من وقت .. قُريب
كان فيه .... بينا
كُل..... حماس
وكان الدنيا فيها
إخلاص ... وكان
الصدق بينا أساس
إيه اللي إتغير فيكي
يادنيا مِش عَارف
أخلاقنا ... مَبادئنا
اللي إتغير فيها
سلوك ... الناس !!
من وقت ... قُرَيب
كان فيه بينا يَانَاس
مَعرُوف
كَان الكدَاب دَايماً
بينا ... ياناس
مَكشوُف ومِكَنش
بيوتنا بيدخلها أبداً خوف
وكان .... للعيب
قانون ... معروف
دلوقتي تعالى
ياصحبي وشوف
مبقاش فيه عيب
مبقأش لاء حاسب
دا أكبر منك
وبقينا
جوه بيوتنا ضيوف
من وقت قُرَيب
كان ع الأرض موجود
إنسان
......
قلمي
م. حمدي توفيق
ليست هناك تعليقات:
إرسال تعليق