لكل رجل لم يراعي الله في أسرته وجرى وراء انانيته
✨بشارة✨
مش نهاية دي البداية
يوم ماغدرك كان قيامة
ابتديت أرجع لنفسي
والرجوع كان له حكاية
***
الطريق ومشيته وحدي
كنت فاكراك الحماية!
والسؤال جوايا يدبح
عايزة ليه مليون إجابة؟
***
ياما حمل معاك وشِلته
لا اشتكيت ولا أقول كفاية
وانتَ بتمثل ..محبة
من وراها ألف غاية!
***
بيت بنيته فوق كتافي
والعيال . أحسن رباية
والسنين . وياها نكبر
وأنت بتجهز.. دعاية
***
مش بتاخد بالها.. مني
كل أوقاتها بحالة
لحن داير بيه.. تغني
وإني ليك أصبحت عالة
***
ولجوازة جديدة.. ترسم
شابة مليانة .. بحقارة
رغم شكلك ويا شيبتك
كلهم فيهم أمارة
***
اولى كنت تجوز إبنك
أو لبنتك تكفي حاجة
بس أنت جريت لنفسك
منتهى غدر وسماجة
***
ح اشتكيك للحي ربي
فى الصلا جهر وإشارة
هو ح يعوضني صبري
وابتلاءك.. لي بشارة!
***
✨بقلمي/ صفاء الخواجة ✨
ليست هناك تعليقات:
إرسال تعليق