حاضر، هاجمع لك كلمات قصيدتك:
لا كلت في يومي خُبيبزة ...لا عندي ماما ولا تيزه ....وقاعد يا اما في الشارع ....لا عندي عمارة ولا فيزة
وشارعي بات مالهوش بيبان لا فيه ...ولا وسطة ولا سجان ....وتحت الكوبري في الجيزة قاعد خيبان
وبتسأليني ليه يا امي ....انا تعبان ....قوليلي عملتي ايه لبنك .....ده مهما كان ....مش ذنبه انه اتولد فيكي .....وعاشق كل ضواحيكي .... ولو تسهي يصحيكي ماهو انسان
انا اللي شربت من نيلك ....وكلت تراب ....وحافظ كل مواويلك .....بنقفل باب ونفتح باب ..ولادك دول غلابة كتير......رميتي ياما ناس ....فى البير .....وده....ارهابي ....لاء ده خطير ....وده لامم بشر حواليه ....وكل حاجة صح وهية .....ده يستاهل .. يكون ليه بيه....حقيقة اهيه .....ودول ياكلوا كباب فى كباب .......دولا ولادك ..... ونَسيانا يااما .....ما احنا كلاب
انا اللي شهادتي بتتعلق .....كمان علي الحيط....وانا اللي غريب ومتغرب ....عشان كام طوبة.... ومتر فى غيط .....انا اتغميت ....سابوني اعدي البحر في القارب .....كتير ماتوا وانا عديت ......وانا اللي قالوا كتير عني باعدي البحر ما اتبليت
انا اللي فيكي متغرب ....ولو بابعد راجع اقرب ....واحول ليكي في غنايم ....ما انا هايم ....ومش نايم .....ولو مره تحسي ببرد ....اجيلك حتى لو عايم ....عشان دفايا ده فى حضنك .... يامصر فى حضنك ادفيت
انا اللي اخواتي ...ماتوا في ترابك هنا وهناك.....وكل عيونا سهرانه ..... بتبعت روحها ...وتروح شزام وهلاك ....انا اللي جدودي حفروا المجرة ...بين بحرين ......وانا اللي بنا ابويا سدك ....وسيدي وحد القطرين.... ...حنانك يا اما فين بينا ....قربنا ننسى اسامينا .....تعالي يا اما ضمينا انا ومينا .....وخلينا ....نعيش يا اما ... حتى
لو يادوب ساعتين
اشرف محروس
ليست هناك تعليقات:
إرسال تعليق