😢غَ
لبنا حمار😢
إحساس بالظلم مالوش آخر
والنفس دمار
والعيشة السودة مع المحنة
اكتر من عار
ده يابخت إللي يزور ويخفف
مع عيشة مرار
إنسونا..أو ارمونا ف تربة
أو جوه بحار
طولتوا الليلة على دماغنا
مالناش ف نهار
ولا لينا فى أحوالنا حكاية
ولا لينا قرار
مأسوف على حالنا إللي مايفرح
لا صغار وكبار
والدمعة ح تطفح وتغرق
كل الأنهار
ما تقولوا لامتى تبيعوا فينا
ربنا ستار
وشيلتنا ..بتتقل وبتتقل
وغَلبنا حمار
😢بقلمي/ صفاء الخواجة 😢
ليست هناك تعليقات:
إرسال تعليق