قصيده بالعاميه
عن ام مقهورة
بقلم وكلمات
عبدالرحمن سعيد
-------------------
ماشي فى الليل والشارع نور
لقيت أُم عجوزة قلبها مفطور
سألت محتاجه إيه ياحاجه
قالت عايزاك مستور
محتاجه مني أى مساعدة
محتاجه بس من ربي العفة
ويعطني العافية وطاقة نور
طب انتي منين وبلدك فين
انا م الدنيا والدنيا بتساعي كتير
وكمان مخلوقة وتحت سمائه
و هوَ بيرزق كل عباده
طيب ياحاجه ملكيش اولاد
ليَ إتنين بعِيد عنك مايلين
لا بيهشوا و لا بينشوا
دي عيالك دول ملاعين
ليه يرموكي فى الخلا بالليل
إوعاك تلعنهم سيبهم لحالهم
معاهم نسوانهم وعيالهم كتير
يعيشوا عشان يردوا لهم الدين
و الايام بتدور وتفك سنين
و المولى باعت لنا ملكين
ملك عالشمال وعل اليمين
ومفيش حق يضيع عند الكريم
طب قومي معايا عل البيت
عندي فى بلدي دارين
دار لأبويا وأمى وعيالي
ودار للحبايب والسائلين
اسمع كلامي ياكريم
واللقا يا ولادي نصيب
والروح يمكن بلحظة تغيب
حاسه كده إن عمري قصير
وقَصداك فى كلمة او كلمتين
وها دعيلك يمكن تصيب
ربي يجبر ك جبر السنين
إن مت عندك ياغريب
ادفني بمقابر المسلمين
هيَ وصية لك يا أمين
دي أمانة فى رقبتك
لازم تُصان وفي نن العين
بلغ عيالي أني حملت فيهم
تسع شهور ورضاعه سَنتين
وكدّ وتعب طول السنين
وفى النهايه طردوني لتنيين
فى عز البرد ودماس الليل
وانا اشتكيتهم لرب العالمين
الله حسبي نصير المظلومين
هيجبلي حقي سلف ودين
**********
الوصية
_____
قصيده عاميه
بقلم وكلمات عبدالرحمن سعيد
فى يوم السبت ٢٨/٣/٢٠٢٦
من سيف الدين المنصوريه
طلخا دقهليه مصر 🇪🇬
ليست هناك تعليقات:
إرسال تعليق