العيب فى مين
هو العيب فى مين
وسيلة الدفاع
والا الإنتفاع
والا ظلم باين
فيه لؤم وخداع
والا من العرب
ومبدأ الهرب
وفي حاجات كتيره
حقيره لم تذاع
فى وسيلة الدفاع
أولى القبلتين
وثالث الحرمين
في حضن الصهاينه
واحنا مشتاقين
قل إحنا محرومين
نروح حتى نزور
والشرح كمان يطول
معدومه الإنسانية
الإحتلال غشيم
حركاته هي هي
الكدب والتعتيم
يوعد ومالوش وعود
صادق فى إلا وجود
والعالم كله باع
وسيلة الدفاع
لإمتى مفاوضات
وشعب نشاطه مات
هدم فى المبانى
وكنايس ومساجد
وكمان مستشفيات
صهاينة إسرائيل
ليهم أمريكا ديل
بتهادى بالسلاح
وتولع الفتيل
عشان ماهي قوه عظمى
عامللها ألف لازمه
لو فيه ابن الوليد
بأمانه كان يبيد
لكن لحد امتى
هنخاف من التهديد
عربي وعجمي باع
وسيلة الدفاع
لو كلب مات له ديه
وبتتعمل قضيه
بيبيدو شعب كامل
شباب ونساء حوامل
وأطفال لسه رضع
ودمار وغدر شامل
وباقي الشعب جاع
مستنين دفاع
مستنين دفاع
واحنا مستهدفين
عايزين يخشو سينا
يعدو النازحين
والحرب تبقى لينا
قائدنا مستعد
يقف لأي ضد
بالقوة والسلاح
هيشوفوا أشد رد
أكتوبر شهر قاسي
على كل إسرائيل
أوعاك تعملي ناسي
راح منك كام قتيل
هتعود الكرة تاني
وإن عادت مشتاقين
ندخل جوه
النزاع
بقوة للدفاع
بقوة للدفاع
الشاعر/أبوسريع إسماعيل
ليست هناك تعليقات:
إرسال تعليق