😩قلم حزين على فلسطين😩
أكتب لمين يا قلم..
والكل متغمي...
من صرخة اللي إتظلم...
قد الجبال همي....
...
يا عيون وعميانة...
الحق زي الشمس...
ده الخزي غطانا...
ولا خدنا يوم الدرس..
.....
الغول بينشنا...
واحد ورا واحد...
فى الذل ليه عشنا...
وربنا واحد...
.....
حتى اللي بيقاوم...
جايبين عليه اللوم....
خايفين من الظالم...
وبنجلد المظلوم...
....
خسارة أعدادنا...
مقهورة محبوسة...
بيدنسوا بلادنا...
وأفكارنا معكوسة..
....
يا غزة سامحيني...
مغلوب ومتكتف...
الدمعة فى عيني...
وبوعدك وأخلف.....
....
لكن مصيري ف يوم...
أغير الأيام....
واصحى قوام م النوم...
واحقق الأحلام
...
كلماتى علاء محمود
ليست هناك تعليقات:
إرسال تعليق