دعوه لصحيان الضمائر
(ياله نكسر أقلامنا)
-----------
طالما غزه يوميا ب تنضرب
يبقى إيه لازمة إللي بينكتب
والإسم إحنااا الأشقاء العرب
هما فين العرب ؟؟؟؟
*
طالما غزه يوميا تنهان
يبقى ليه حزقة كل فنان
وعاملي فيها شاعر وإنسان
هوه فين الإنسان؟؟؟؟
*
طالما غزه يوميا تترحل
يبقى ليه بنتأثر من الأول
وإحنا عارفين الحرب هايطول
وآهو زاد وطول !!!!!
*
طالما غزه يوميا تتدمر
ليه ننشر احداثها ونصور
والأطفال بالحضانات تتضرر
والله ب تتضرر !!!!
*
كلنا أغبياء
(وف منتهى الغباء)
(ندعي إننا شعراء)
والموت مش مخلي
لا أطفااال ولا نساء
وكل الشعب بدون غذاء
ولا كهرياء وماء¿¿¿
*
ياله نكسر أقلامنا
ونوفر كل كلامنا
(معادش مستقبل قدامنا)
(معادش مستقبل قدامنا)
غير نوطي ونشوف أقدامنا
يادوب أقدامنا ****
*
طظ
فى الشعر والإحساس
طااالما ما يفيد الناس
طاالما ما بيعبرش ع الناس
والبشر بالدبابات ب تنداس
والله ب تنداس×××
*
(وعدونا محتاج الأدب)
(والعرب عارفه السبب)
(والإتحااد بينهم وجب)
(طالما غزه ب تنضرب)
فينكم يا عرب؟؟؟
وعجبي
الخال عصمت البيلي
ليست هناك تعليقات:
إرسال تعليق