اصبر
مش كل عين بتبص
شايفاك ياورد جميل
او تدري بيك وتحس
ببهاك يا عطر النيل
بص لعيون الشمس
فوق الوجود قناديل
فارده سبايك دهب
تبر وضياه بيسيل
والطير يغني طرب
فوق النخيل بيميل
يسبح فى بحر الفضا
وينشد التراتيل
صور الجمال حسنها
الفطره ليها تميل
لكن اللي صايبه المرض
والغل طافحه الكيل
محال يشوف الحسن
او يعلى ضهر الخيل
ما يشوفي غير الردى
حتى ان نهاه جبريل
احمد محمود عوض سعيد
الرحامنة / فارسكور / دمياط
ليست هناك تعليقات:
إرسال تعليق