بشعر العامية المصرية.
( إحساسك مات )
اقتل خرّب ودمر .. في دار غير دارك
اضرب جرّح وفرّق . وافعل ما بدالَك
هي عادتك ولا حتشتريها
طول عمرك أكبر مخربيها
الحرب طالت وانت ما عندكش رحمه
مش قادر عالمقاومه اللي عاملالك أزمه
و بتقتل أبرياء في المستشفى والزحمه
***** ***** ***** *****
مش قادر تحقق نصره وجنودك بقوا صيده سهله
والرعب أنفاسهً بتنفض مره طالعه ومره وداخله
وصراخك العالي يقول : كفايه حرب ادٌُوني مهله
*****. *****. *****. *****
يا باغي يا طاغي ياللي العالم مغمض عينه عن جرايمك
وشايفك وعامل نفسه مش شايفك
والشٌُرفا كلها بتعايبك
إحساسك مات و ( العم سام) ساند ضهرك وسايبك
سايبك تطيح في العُزّل وعمره ما عايب جرايمك
حتى الفرنجه والانج ليز واقفين جنبك حبايبك
بتدوس عالمباديء والقانون ولا حد أبدا طايقك
***** *****. ***** *****
اسمك ( نتن ) والباقي ( ياهو ) نَجِّست حروف الكلام
وصنعت أسوأ تاريخ بالقتل والجرم اللي دام
بكره تتحاكم وتعرف إنك شر أعداء السلام
أصغر طفل في غزه راجل وانت سفسوف اللئام
والمقاومه أدت واجب نال الحب والاحترام
رغم الحزن رغم المآسي النصر قادم والسلام
***** ***** *****. *****
بقلم د / عبد الرحمن فتحي الحناوي .
من مصرَ .
الأحد ١٢ من نوفمبر ( تشربن الثاني ) سنة ٢٠٢٣
ليست هناك تعليقات:
إرسال تعليق