الابتسامة
بقلم / محمد على عاشور
و الابتسامة الحلوة
تيجى و تتمشى
و ف الطريق تستنى صاحب القسمة
و الخاتمة تبقى منورة
والسلام نفسى
لا الريح تهز الجبل
ولا صوت قنابلهم
الخوف معشش جوه
ف خنادقهم
ولدنا لما بيتولد
بيتولد راجل
نازل ف إيده
رصاص
و التانيه ماسكه الكفن
و بيرضع النخوة
سيان يكون ف المهد
أو ف انحناء ضهره
مشروع شهيد يتولد
م الموت ما بيخفش
و الجنة مفتوحة
والزحمة عند الباب
بتيجى من غزة
رضوان يرتب
ف الصفوف البيض
والكل مستنى
قضية مفتوحة
و العدل عند الله
والحق لازم حيجى
ولو بولاعة
ف جرافة متحضنة
بالخوف مع الكوابيس
ترعب قلوب الضعف
إللى شاربه الخوف
و المسافة الصفر
بعنينا شفناها
يرفرف فوقيها العلم
بالفخر و العزة
نقوم نقول الله
دول اصل من غ ز ة
عفاريت بتطلع م النفق فجأة
و النمر ماشى يرصد الصياد
و ف ديله مير كافا
تحبى و بتزلزل
لكن ماليها الخوف
من ناس ما بتخافش
تنشق أرض العزة عن أسود وفهود
قذيفة إل ياسين بتحش ف فولازهم
و تشب نار الكرامه
ف الست مير كافا
و النمر صار قطة
والرعب مالهيا
لسه الطريق حيطول
و الزفة شغالة
ليست هناك تعليقات:
إرسال تعليق