سيجال 🔥الذكريات🔥
بقلم الشاعرة / صفاء الخواجة
والشاعر أ/ إبراهيم شيمر
أ. صفاء
لما بيعدي ..الزمان
وإحنا وياه من سكات
إيد فى إيد بآمالنا نحلم
ويا حركات الآلات
فجأة نلقى الشيب بيزحف
جوه قلب الكل بات
فين شبابنا معاه هدفنا
ليه سابونا وكله فات
ويجاوبنا الصوت داخلنا
باقية لينا.. الذكريات
أ. ابراهيم
قلب وقـول ع الذكريات
احكي على زمـان مـات
يمكن تـلاقي حـد فاكـر
يسمعك ويـعـيش معـاك
كنا عايشين حـبه حـبه
كان فـيه بينا كتير محبه
واللي يتعب يقول يارب
ولا كنا نعرف اسم الأطبه
أ. صفاء
كان زمان الكل واحد
والقلوب بالحب شارح
لا في كره لا في حقد
لا في حد يلوم وجارح
أ. ابراهيم
الڪلمه الـطـيبه جــنه
نـعـيش وياهـا ونـتـهنا
ونـفـتـح قـلـبنا لـلـكـل
وحـتى ايامـنا تحلالـنا
ونـصــلي و نستـغـفـر
ونـتـمـا زيـارة الـبيت
ونـقـول يـارب نـولــنا
أ. صفاء
كلمة بحب.. ترد الروح
ويغني لها حمام الدوح
جوه الفرح نهني ونسعد
وقت الحزن قلوبنا تنوح
أ. إبراهيم
الڪلمه الطـيبه احسان
على الـغلـبان والأيـتام
على ولادنا وع الجيران
وندعي يارب زدنا كمان
وخير ربنـا اكيد هيبان
أ. صفاء
الغلبان.. له رب كريم
بالأيتام رحمان ورحيم
وصانا بيهم.. نحسن ليهم
ويابختك يا أبو قلب سليم
أ. إبراهيم
الڪلمه الطـيبه ايـمان
تنور لـينا كـل مڪـان
صلاة الفجـر والـقرآن
وحب الأهل والجيران
ولاعمرى أنام حـيران
أ. صفاء
كل كلام التقوى إيمان
بترفرف على كل ضعيف
وتفرح قلبه ..وأيامه
حتى إن كانت شق رغيف
أ. إبراهيم
وفى الآخر
تحياتي تحياتي لكل شريف
تحياتي لورد مفتح فى قلب خريف
عايش مع ناس حياتها كلها تخطيف
وناس حمدا ربها عشان رزقها رغيف
👏👏👏👏👏
سجال الذكريات
للشاعر أستاذ/ ابراهيم شيمر
والشاعرة أستاذة/ صفاء الخواجة
ليست هناك تعليقات:
إرسال تعليق