الحلم خايف
لما خبط على باب القمر
مستني تأشيرة سفر
تاخد ه لحضن القمر
بين الحياة والقدر
و الأمل غني موال حزين
خايف من حضن السفر
بعد ماشاف صورة حبيب
مرسومة على كف القمر
والرزق مستني تأشيرة سفر
لكوكب حزين عمر ه اتكسر
ويا هموم البشر
باعوا الأمل بسوق الغجر
لماضي مستني طريق سفر
على شط هجره القمر
بينه وبين العمر مسافة قدر
خد ف حضنه
ركبوا موجة حزينة بين الوداع و الخطر
وياها حلم سنين على سفينة القدر
بترقص على غنوة حزينة
راحت ولا رجعت تنادينا
والموت متعلق على روح الزمن
لهجرة غريبة للوطن
خدت من عمرنا ذكرى عشنا فيها
راحت على جناح القدر
كلمات: مصطفى عطيه
مصر
طنطا
ليست هناك تعليقات:
إرسال تعليق