😄 أبو حمالة 2😄كلمات الشاعرة/ صفاء الخواجة

 🌹أبو حمالة 2🌹

يا أبو حمالة كفاك تشكيك

كل كلامك فيه أسافين

للإسلام وثوابته الراسخة

مستمعينك دول مساكين

🌹بقلمي/ صفاء الخواجة 🌹

🌹نبضات متعبة🌹بقلم الأديب/ عبدالنبي عياد

 نبضات متعبة

أصبحت أشعر بالغربة وأنا أسير داخل قريتى الصغيرة أتفقد حاراتها وأزقتها فى صمت وكأنى قد إفتقدتها. الشوارع تبدوا هادئة مع قدوم الليل بل تكاد تخلو من البشر أو ربما تكون ذاكرتى مغلقة على هموم بداخلها فلم أهتم برؤية الأشياء سوى ببعض الأنوار الخافتة من بعض المحال المتناثرة على إمتداد الشارع الرئيسى خطواتى مبعثرة فقدماى لم تعد تقوى على حملة بعد أن خاب مسعاى فيما جئت من أجله لطلب جزء من حقى ليعيننى على متطلبات الحياة .

محطة القطار خاوية إلا من أصوات الضفاضع وصرصار الحقل ولكن يبدو أن هناك شخص يجلس بمفرده على أحد المقاعد فى نهاية الرصيف .المكان خالى من الأنوار  لا يوجد سوى ضوء القمر الخافت. الساعة تقترب من التاسعة مساءا لست أدرى لماذا تأخر القطار فسكون الليل أصبح يخيفنى رغم أننى كنت أعشقة جسدى أصبح منهكا للغاية .بدأ القطار يتحرك رأسى أصبحت تدور مع عجلات القطار فوضعتها فوق حافة المقعد وظننت أن النعاس سوف يغلبنى ولكن كيف وصوت أمى يدوى فى أذنى لا.لن أعطيك شيئا.

دخلت شقتى يتناثر خلفى غبار تلك الرحلة لقد إنتصف ليل القاهرة أشعر بقدماى وكأنها قد تقوصت لم تعد قادرة على حمل هذا الجسد المنهك ولم أدر لماذا أغلقت الباب بهذه القوة ثم ألقيت بجسدى فوق السرير وكأنه شجرة إقتلعتها الرياح من جزورها فأصبحت جثة هامدة لم يفرق بينى وبين الموتى سوى قلب ينبض بنبضات متعبة...

بقلمى/عبدالنبى عياد

🌹 أنت الضحية🌹كلمات الشاعر/ أسامة جديانة

 انت الضحية ياقلبي

وانت صاحب القضية

فتنوك باسم الحب

وعشقت و العشق غية

أهل الغرام شغلوك

في طريقك قابلت صبيه

طلبت منها الوصال

و باقة ورد هدية

نظرت لك نظرة دلال

و سهام الرموش عفية

صابت القلب اللي مال

جراح و هجر و أسية

من غير رد السؤال

رفضت المدادية

قالت حبيبي خيال

هو اللي مالي عينيا

صحى الفؤاد بالمال

وفيلا وعربية

أنا اللي شايل حبك

في القلب و الوجدان

راح أروي بالغرام قلبك

واهديك الود والحنان

قالت راح ينفعني أيه حبك

سحر المال فتان

عود بباقات وردك

هتعيش عمرك حيران

ليه تضحي بقلبك

مع ناس مالها أمان

                  (((أسامه جديانه)))

🇪🇬شوق المستهام في خدر الهيام 🇪🇬 ق. قصيرة بقلم الأديب/ فضل عبدالرحمن

 قصة قصيرة -----

من مؤلفات الأديب الشاعر فضل عبد الرحمن 

 بعنوان

= شوق المستهام في خدر الهيام =

في ذات ليلة من ليالي الصيف الجميلة وفي العاشرة والنصف مساء هذة الليلة المقمرة وعلى ضفاف نهر النيل حين كان نسيم الليل يداعب خلاجات الوجدان ويغازل الروح بشوق الهيام في قلب المستهام كان يجلس عبد الرحمن على ضفاف النيل وهو شريد النظر سارح الفكر يحدث نفسه وكأنه يتحدث مع حبيبة قلبه التي تسكن فؤاده وخواطره وحين وهو بتلك الحالة انتبه لصوت صديقه جلال وهو ينادي عليه ثم يضحك ضحكة عالية وهو يقول ما بك يا عبد الرحمن أتكلم نفسك ثم ابتسم عبد الرحمن وقال له اجلس يا جلال اجلس وانظر الى جمال الطبيعة الخلاب ومنظر النيل بالليل والمراكب الشراعية كأنها تسبح باسم ربها سبحان مجريها ومرسيها والمراكب النيلية للنزهة باضواءها المتلألئة وانظر على الشاطئ الأخر وشاهد المدينة القديمة كأنها وجه التاريخ والحضارة تقف شامخة وتحاكي الدنيا عن جمالها وحضارتها ثم ينظر اليه جلال ويقول له كل هذا جميل يا عبد الرحمن ولكني انا أسألك عن سبب شرودك وهيامك وانا قد سمعتك تقول حبيبتي حبيبتي هل انت تحب ولم تخبرني الست انا صاحبك وصديقك المخلص هل تخبئ عني حبك ومن هي التي اخذت قلبك وعقلك هكذا قر واعترف ثم يضحك عبد الرحمن ويقول له مهلا مهلا يا صديقي أنا لم اخبئ شئ عنك وسأحدثك عن محبوبتي وعشق قلبي وهيام روحي وجلال ينظر اليه ويقول له وانا كلي آذان صاغية فأفصح عن مكنون عشقك ومدارج قلبك ولا تخبئ شئ من غرام حبك ومن هي تلك التي شغلت 

قلبك وفكرك فأبتسم عبد الرحمن ثم دندن وقال

هي التي تسقيني ونيلها شهدي

هي التي تأويني وقلبها وطني

قيثارة العشاق وعشقها سهدي

جميلة الأوصاف وقلبها سكني

محبوبتي معشوقتي مجنونتي

حضارة غناء وتاريخها صفتي

هي جنة الرحمن سبحان الذي

خلق الجمال وبحسنها اهداني

وبعد برهة من الوقت انتبه جلال وقال الله الله يا عبد الرحمن انها مصر

فابتسم عبد الرحمن وقال نعم يا جلال حبيبتي ومعشوقة قلبي هي مصر

=========

بقلمي / الأديب الشاعر فضل عبد الرحمن

🇪🇬الكل بيحبك🇪🇬كلمات الشاعر/ علاء محمود

 ⭐الكل بيحبك⭐

سايق عليكِ النبي...

ما تنزّلي دمعة...

دي ضحكتك مذهبي...

جاوبيني لو سامعة...

ليه الدموع تجري؟

والكل بيحبك...

مستنّي أجيب فجري...

أو أغزله جنبك...

عارفه غلاوتك بس...

بتزيدي فى عنادك...

لو حد بينا يحس...

كان يفرحوا ولادك...

كل أما يّيجي نهار...

فى الضلمة تنسينا...

بتعلي ف الأسوار..

أيه بكره ؟غير بينا...

يا جميلة ف كل حال...

وفداكِ أيامى...

أنا اللي عبرت القنال..

وف حضني بتنامي

...

كلماتى علاء محمود

😢البقاء لله 😢كلمات الشاعر/ بدوي محمد

 البقـــــا ء للــــه يا دنيا  اللي مـات

و اللــــي لسة على قيــد الحيــاة

و اللــــي مقضيها في حسابـــــات

و فــي النهــــــايـــة عقلـه تـــــــاه

واللي واكل حق غيره في الميراث

و اللـــي بيدور على طوق نجـــاة

و اللــــي ناســــي حتما إنه ميّــت

مهمــــا الأمـــــل.... يبلـــغ مــــداه

و اللــــي فاكــــر عرشـــه دايــــم

و ناســـي رااااح فين قبله الطغــاة

و اللـــــي جبروتـــه قسّــى قلبـــه

 خـلاه يفتكــر إن دايمالــه الحيـــاة

و اللــي شــاف بعينــه وســع ملكه

قـام غروره نسـاه إن الملك لمولاه

و اللـــــي طــالت له سنيــــن عمره

نســي إن البقــــاء فيهــــا للــــــه

و اللـــــي جــــار على حق غيــره 

يكتـب بإيده عذاب نفسه يا ولـداه

و اللـــي و اللــي و اللــي يامـــــــا

ناســـي إنهــا دنيــا و أخرتها الفنـاء

و إن البقـــاء للــه و حـده و الدوام

و إنهـــا دنيــا نصيـن سعادة وابتلاء

و اللـــي عـاش غضبـان من نصيبه

مـا سمعش يـوم عن ابتلاء الأنبيـاء

  دنيا وفانية وجوهها زيف ف زيف

ياما كتير حاربوا عشانها بلا حيــاء

البقـــاء للــــه يــا سيدي و يـا عمي

 و يا ابن أمي اطلب من الله النجاة

البقاء للــــه يا دنيا  في اللــي مــات

و اللــــي لسة على قيــد الحيــاة

بدوي محمد

الأحد ٣١ يوليو ٢٠٢٣م

٢ من المحرم ١٤٤٣ ه‍ـ

❤️حبيب القلب❤️كلمات الشاعر/ أحمد فرج السوداني

 حبيب القلب

لما العين تشتاقلك

وبنن العين شيفاك

ابقي سكنت في عقلك

طول الوقت معاك

ونبض قلبي وياك

دقات القلب سمعاك

بتردد اسمك

وتقول حبيبي

حبي ونصيبي

اوعي البعاد يغلبك

اوعي البعاد يرميك

ادعي ربنا يحرسك

وم العيون يداريك

اصل الغرام لعبتك

وانا دايب فيك

لما قلت انت حبي

رميت شباكي عليك

فضلت جوه قلبي

وبدعي.  ليك

يسترها معاك ربنا

وبالخير يراعيك

بقلم احمد فرج السوداني

❤️بُعدي عنك❤️كلمات الشاعر/ جمال علي

 بعدى عنك

**********

أنا مهما بعدت عنك

      أو فرقنا الزمان

الروح بهواها عندك

       والقلب له مكان

أنا دبت ودأب هوايات

      مشتاق بر الأمان

ياحبيبتى يانور زمانى

      وعبير زان البستان

ياقمر نور فى ليلى

      رقة وحب وحنان

أنا مهما بعدت عنك 

      فاكركل اللى كان

اكيد الحب عايش 

      لو دقنا كتير حرمان

وان كان الحظ طايش

          بكره يأون الاوان

نفرح بلقانا تانى 

        بعيون تشبع حنان

دا انا مهما بعدت عنك 

        فاكر ظل المكان

وعبيرى فى قرية منك 

      همس بحلو اللسان

عمرى ما ابعد بحبك 

      ومحال كلمة نسيان

ح أفضل اقول وأعيد 

     وأؤكد من جديد

أنا مهما بعدت عنك 

     أو فرقنا الزمان

الروح بهواها عندك 

      والقلب له مكان

وانا مشتاق الحنان

***********

جمال على الشرقاوى 

شاعر العامية 

مليج منوفية

🌹إحلم🌹كلمات الشاعر/ صبري رسلان

 إحلم  (475)

........

بتحلم يجيك بكره  

ولسه فيه إمبارح  

لا فجره بقى ذكرى

ولا شوفنا فين رايح 

نقصت يوم من العمر  

وبتدعي لأجل يمر  

لا عرفنا طعمه ده مر

ولا شمسه غايبه

حلمك ما فيهش نجوم  

رعد ورياح وغيوم  

باب الغرام موصود  

ولا فرحه جايا 

تحلم تلاقي وصال   

صعب الهوى ينطال

لا عمر قلبك مال  

ولا دق  ثانيه  

لا عرفت تسهر ليل 

ولا كحل زين عين    

موصوف له آه وآنين 

ونسمايه  هايمه  

 قافل  عليك  الباب  

عايش في أمس وغاب  

راسم قلوب لأحباب  

ألوانها دايبه   ..  

إحلم يجيك بكره  

وإنسى اللي في إمبارح 

وقته خلاص ذكرى

ورد الأمل طارح 

إحلم     ...

بقلم  ...  صبري رسلان

❤️بتسأل نفسك❤️خاطرة بقلم / سحر أحمد محمد

 بتسأل نفسك 

خواطر 

******

بتسأل نفسك عن الغياب

بعد ما ضاع العمر وراحت

أيام الشباب 

    *****

مش انت اللي ابتديت وسافرت

خدتك الغربه مني واجريت 

طب بعد دا كله خدنا إيه وفي

    *******

الآخر راجع تقولي نرجع وكل شيء 

حصل ندمان عليه خلاص مش ح 

ينفع حتي كلامك وتوسلاتك مباقتش 

تشفع انت كتبت بإيدك النهايه حتي من

قبل ما نبتدي ماسمعتش كلام العقل وجايلي

تقولي محتاجلك أنا ع بعدك اتعودت واتألقمت 

وخدت ع عدم وجودك جنبي واتعلمت 

   سحر أحمد محمد

🌹 إلى متى🌹كلمات الشاعرة/ هوي الامام

 إلى متى

نظل هكذايقتلنا البعاد

انا هنا وانت هناك

وياكل القلب. الإشتياق 

الى متى

أظل أنا على

العهد باق

ونفسي تطوق للترياق 

واهدد روحي مليآ

بأن يأت الغد للعهد

وفيا

عد  وصن العهود

واكسر القيود

وفك اسر القلوب

لنحيا سويآ 

                 هوى الإمام

❤️جالك قلبي شايل كفنه❤️كلمات الشاعر/ عصمت البيلي

 (اشعار محتاجه افكار)

جالك قلبي شايل كفنه

-------------

جالك قلبي شااااااايل كفنه

ووصاااااك جوه قلبك دفنه

داا الموت فى حبك شرعي

وياابخت إللي يعيش زمنه

*

ولما شااااف حسنك حضنه

وحس إن قلبك بقى وطنه

قال من النهارد راح وجعي

وملعووون أبو الشك وظنه

*

الحب إيه كلموووووني عنه

والعاشق مين دروشه وجنه

كاان صاحبي وطبعه طبعي

مسكين نسى نفسه وسكنه

*

زمن بيتبااها بنوره وحسنه

وهوه حابس البشر بسجنه

ماتعرفه عاااادي ولا رجعي

(ولا إحنا دقيق وهو عجنه)

وعحبي

الخال عصمت البيلي

🌹همسة نبض🌹كلمات الشاعر/ صلاح سعد

 #   همسة نبض  # 

==========

ردديها واجعليها صدا 

٠٠٠٠٠٠٠٠٠٠٠٠٠٠٠٠٠ وقت السحر 

وانشريها على صفحة النهر 

واسمعيها أهل البدو والحضر             

٠٠٠٠٠٠٠٠٠٠ أنى الوفاء وأنت الزهر 

      *             *

لاتقولى الشيب فينا 

فلا شيب يستوقف المطر 

واغمسيها بين الحنايا 

٠٠٠٠٠ رتليها مع صوت الوتر 

      *             *

ثم قومى وقولى لحادى الشرق 

أقبل فقد حان اليوم أن تعرف الخبر

---------------------------------

بقلم ** صـــــــــلاح سعـــــــــد **

🌹دقات تسمو🌹كلمات الشاعر/ محمود القطوعي

 دقات تسمو..

شعر الأستاذ/ محمود القطوعي..

أمواج القلب في رحب..

اذا ما النفس تهواها ..

تهيم في جنة الدنيا..

وتشدو فيها ذكراها ..

ترانيم الهو ى تسعى..

لترسم فحوى جدواها..

فقلب العاشق يرقص ..

حين الموج يلقاها ..

تدق دقات تسمو ..

وتحكي الروح شدواها..

مسامع تصغى لحب ..

غطى الكون وأغناها ..

مع الأحلام قد تعدو ..

حين الفرح يهواها..

تهمس همسها الأذلي..

ليسري النبض في سماها..

فهل سمعت ماتحكي..

وفهمت سر مسعاها..

هي الجنة على أرض..

تهيم الروح في رضاها..

فتنمو في الحشا خير..

يدوم العيش في هداها..

شعر الأستاذ /محمود القطوعي..

💦يابحر💦كلمات الشاعر/ لطفي الستي

‏

((يا بحر...))

           لطفي الستي/ تونس 

أصوات تنبعث من أعماق البحر 

زفرات...آهات تكسر العدم...

مالك يا بحر تحملني لدروب الغموض 

أنا الذي ضاعت مني الخطوات 

ضاع مني كل منطق...

تحجرت ...صرت كالصنم ...

هزلت عقارب ساعتي 

ما عدت أقدر المسافات و لا الزمن 

لا أتبين هذه الأيادي التي تلوح من بعيد 

أسماء...تواريخ شطبت بجرة قلم...

زفت في ظلمة الأيام لليأس و الندم 

أغوتها مدن الأنوار...

مسرحية الزمن و الأقدار...

هربت ...تحمل الحلم 

بين مآذن العرب و أجراس العجم...

بعد أن شحب الياسمين 

تاهت المواويل في ردهات العمر...

باتت الأوطان مجرد هراء 

سنابل منحنية بين يمين و قسم ...

سفر إلى لا مكان و لا زمان 

مع كل فجر تباع و تشترى فيه الذمم 

حياة قلبت على رأسها ...

ما عادت ملاذا ...مأمنا...مستقر 

ما عادت قدر 

أنسيت يا بحر عهدا ...

أم صرت أنت القاضي ...الجلاد و السكين 

مساحات صمت ...

غاب فيها اللحن و اللون ...الجود و الكرم 

           بقلمي: لطفي الستي/ تونس 

                             26/06/2022

🌹أسميتك حلمي🌹كلمات الشاعرة/ كرمة شحادة

 اسميتك حلمي ....

نظرة عينيك......

فجرت ثورة عشق...

في قلبي .....

أيقظت نبضاته.....

الخامدة ....

منذ سنين ....

بدأت تروي ....

حكايات وحكايات .....

عن روائع العشق ....

عن وعود بالوفاء ....

منذ ذلك اليوم 

أيقنت 

أنك أنت الحب 

أنت الوطن 

أنت الحلم 

والحياة لا تكتمل إلا بك 

أصبحت وطني 

أصبحت هويتي 

ونبضي دائما في أوج 

الاشتياق إلى عينيك 

ملهمتي 

كرمه شحادة 

🇸🇾

🌹عام هجري🌹تطريز بقلم الشاعر م. محمود الحريري

🌻🌻🌻🌻

تطريز عبارة 🌹 عام هجري🌹

---------------------------------------

(ع) 

عامٌ هجريٌ يتجددْ

ونسائمُ خيرٍ تتولدْ

(ا) 

الذكرىٰ العطرةُ للهجرة

مازالَ صداها يترددْ

(م) 

من مكةَ كانتْ هجرتُهُ

وقريشٌ كانتْ تترصدْ

(ه) 

هادي البشريةِ ياطٰهَ

أرسلكَ المولىٰ لكي نسعدْ

(ج) 

جِئتَنا بالحقِ لتهدينا

وظلامُ العالمِ يتبددْ

(ر) 

رحلةُ هجرتِكَ لها مغزىٰ

ومعانٍ كُبرىٰ تتأكدْ

(ي) 

ياربَ الكونِ وخالقَنا

ندعوكَ إلٰهِي ونتعبدْ

--------------------------

بقلمي... 

م/ محمود الحريري

🌻🌻🌻🌻🌻🌻🌻

🌹الكبرياء هو أنا 🌹خاطرة بقلم/ صفاء الخواجة

 

🎻أمواج الشوق🎻كلمات الشاعر م. محمود الحريري

 "أمواج الشوق" 

--------------------

تتلاطمُ أمواجُ الشَّوقِ 

تتحطمُ فوقَ الشُطآنِ 

يتساقطُ مِنْ عيني دَمْعِي 

ليغطيَ كُلَّ الوديانِ   

تتسَارعُ نبضاتُ القلبِ 

تتصارعُ أجزاءُ كيانِي  

تتقهقرُ أفراحي سريعاً 

تحتلُ فؤادي أحزانِي  

تتكسرُ أغصانُ الشجرِ 

وتموتُ زهورُ البستانِ 

تتساوىٰ عندي الأشياءُ

وثيابي مِثْلُ الأكفانِ 

ماعادتْ تُطربُني أغاني 

أو حَتَّىٰ سماعُ الألحانِ  

فحبيبةُ قلبي قَدْ رَحَلَتْ 

وتهاوتْ كُلُّ الجدرانِ 

قَدْ صِرْتُ وحيداً مكتئباً 

وغريباً بينَ الخِلَّانِ 

وأصارعُ أمواجَ الشوقِ 

وأُعَاني لوعةَ حرمانِي

--------------------------------

بقلمي؛ م/ محمود الحريري

🖋️خوفي مواللي جاي وآت🖋️كلمات الشاعر/ إيهاب السقا

 جيت أبص في المرايا

لقيت شبابي إللى كان معايا

أخده حبي وراح وفات

مهما حكيت مليون روايه

برضوا قلبي شبابه مات

بس باضحك من جوه جوفي

عشان أداري بالضحك خوفي

م إللي جاي وإللي آت

أبص واضحك عشان كسوفى

يكتم في نفسي من سكات

أحب أمثل التمثيليه

إنى عايش شخص عادى

والضحكه برضوا هى هى

طالعه ساكته بدون سِمات

والتنهيده راسمه وشي

والهم فارش على وش عِشّي

والنومه صاحيه بتقول حاجات

حاجات كتير ملهاش ملامح

وأنا قلبي برضوا مش مسامح

إللي ظلمنى وساب آهات

الفرحه مالها باعده عنى ؟ ؟

مالها ليه شايله منى؟؟

طب تيجى حتى ولو مره صدفه

ليه تمشي ساكته ولاويه بوظها

كأنى بوزى أو كنت جوزها

إللي رماها في عز عوزها

دى مهما كانت الصفات

كان برضوا لازم تزورنى حبه

أو تبعت حكيم ومعاه طبيب

ومهما كانت الروح تغيب

أو بِعدوا عنى كل الأحبه

مكنش لازم الفرحه تسكت

أو تصد عنى وتكونلي كَشَّة

كان نفسي انام فوق سطح عِشَّة

واكون لوحدى كأنى صينى 

وأغمس عَشايا في صحن فِشَّه

واعيش حياتي بينى وبينى 

وأشوف أمامى ومرجعش للورا

واكون صديقي وأحكى بثرثرة

إن شالله أعيش أبسَطها عيشه 

بدل إللي شوفته واللي يوم جَرا

وأطير لفوق مع أحلي ريشه 

دنا كنت عايش صباعبن فى فيشة

كانت إضاءتى لكل المندرة

أنَوَّر لغيرى وأنا لسة طيشَة 

،،،إيهاب السقا،،،

🎻على مهلك🎻 كلمات الشاعر/ عبدالحميدالسماحي

 على مهلك

بقلمي / عبدالحميدالسماحي

              على مهلك على مهلي

            الدنيا بتندهلك وتندهلي

            انت لسه حبيب الروح

           وقلبك بالفرحه بيجمعني

          اشوف فى عيونك الشوق

          أجيلك وانت كده تروحلي 

            أنت زي أيام العيد باقي

         ياكل إشتياقي اوعى تودعني

            يامسك فى نفسيتي راقي

             يا كل إتفاقي للكل بهدي

            ساقيه دايره بالخير دايمه

            عفه وأصل زي جمال بلدي

             كامل المعاني والأوصاف

         عليك بخاف اللى عندك هو عندي

            مليت القلب بهمس الشوق

            عرفك ياذوق مهاتوجعني

            عروقي مليانه فرحه ونور

          بكل السطور تمسيني تصبحني

              أنت النسمه بوادي الجد

         ليه الصد أحب هزارك فإيه يعني

              ألاقيك مغيش أي كبر

         عليا الصبر خغيف الروح بتسمعلي

              أجبلك من الأمل بستان

            قلبي حنان بنجومه تروحني

           أبات الليل فى عيونك ياغالي

        مغيش تعالي سماء صافيه تريحني

               أشمك فى نسيم الورد 

        اخاف من الشرد لابشوكك تجرحني

               ملكت بعيونك عمري

         لك سهري جوايا حبك بيفضحني

             سفينه بترسى لشط البحر

        ياكل نهر حمولي حمولك بتمدحني

           يارب مش طلبين غير الستر

          اوعى الهجر يوجعك ويوجعني

              على مهلك على مهلي

             الدنيا بتندهلك وتندهلي

                     بقلمي

            عبدالحميد السماحي

        مصر 🇪🇬 محافظة كفرالشيخ

🖋️دار الزمان🖋️كلمات الشاعر/ أحمد فرج السوداني

 دار الزمان

دار الزمان بينا

لاعرفنا ايامنا

ولا حتى ليالينا

لا عرفنا مين

بيكرهناولا

مين بيرضينا

سلمنا لك أمرنا

يا واهب عمرنا

استرنا وراعينا

بالحب والخير

تكرمنا وتدينا

حب الخير لو دام

يبقى حسنات لينا

عملك ينفعك

يوم الزحام

تسلم على نبينا

يرفع مقامك

وتقول خير

زرعته فينا

ابن الاصول

لومال يلقى

يلقى العمل

يداويه

يلقى

ربه معاه

يكرمه يراعيه

يعدي م المحن

لان ربه

عالم بيه

بقلم احمد فرج السوداني

👍أغار عليك👍كلمات الشاعرة/ هوي الامام

 اغار عليك

نعم اغار عليك

وهل حبيبتي الغيرة

جرم يرم به الرجال

او ينقص من الخصال

انا الغيور عليك

إن حدثك الخلان

او شرد بك الخيال

او تبعتك لحاظ الرجال

اغار كما يغار البحر علي

الشطأن

وكما تغار السماء

عند تحرك السحب

مع الهواء

وكما يغار الوليد

ان داعبته أمه

حين الرضاع

وك  البكر على أمه

إن ترملت ويخشى

عليها الرجال

نعم انا الغيور

وان لقبوني بالغيور

فنعم الوصف والأ

لقاب

فهل يغار الذكور

لا وربي فلا يغار

الا الرجال

الذين تربوا ع الدين

وحسن الأخلاق 

    هوى الإمام

🖋️الحزن🖋️كلمات الشاعر/ شريف العمدة

 الحزن مهما بروح وببعد

بيقابلني  وبالأحضان

واللي غايب لسه

غايب

راح وفارق من زمان

واللي كاسر فيا روحي

إني تايه أو جبان

ببقى قادر أو مش قادر

أو فرعون في تابوت متهان

والحياة بتروح وتيجي

وأنا واقف ومبمشيش

لو في مرة خدت خطوة

برجع تاني من مفيش

واللي كنت شايفه جنبي

شافني واقع ومشافنيش

واللي شوفته من حياتي

بيقول إني مش هعيش

قلبي ياللي في المواجع

لسه واقع وبمرار

ياللي من جواك بتصفي

بس فاشل في الاختيار

العتاب جوايا راكن

بيولعني يقيد في شرار

كإني ميت وبيتحاسب

كإني مُوت روحت النار

#شريف_العمدة

😄ضحكت😄كلمات الشاعر/ علاء محمود

 ⭐ضحكت⭐

شافوني ضحكت قالوا إتجن...

جبت الضحكة دي من فين؟

حتى الضحك أصبح فن...

وكنت شاريها من سنتين...

قلوب الناس ماليها الهم...

ودمع بيبكي

جوه العين...

وحزن يا عم ما يتلم...

ما حد يحن ع المساكين...

يا رب مالينا غير بابك..

مهما نضل ليه راجعين...

لا يوم بترد أحبابك...

غير والكل مجبوّرين....

كلماتى علاء محمود

🎻بتوحشيني🎻كلمات الشاعر/ السيد صالح

 بتوحشيني

ومش ماشي الحال

وفى بُعدك

مرتحشي البال

وفى عيني

ييجي ألف سؤال

امتى هشوفك وتطلي

تعبني قلبي

من الإلحاح 

ودموعي

نازله فى كل صباح

لا هنهدى

ولا هنرتاح

غير لما تيجي وتهلي

يا حبيبتي 

يا رمز فؤادي 

وهبلك عمري

وبهادي

ده حلمي 

القاكي قصادي

تداوي جراحي وتحلي

أبداً يوم ما

هتهوني

ده انتي دنيتي

وكوني

تملي كبيرة

فى

عيوني

ولا عمرك مره هتقلي

السيد صالح 💖

♥️ إليك قلبي♥️كلمات الشاعر/ عادل تمام الشيمي

 .(إليك...قلبي)..

شعر/عادل..تمام..

الشيمي...

......   

إليْكَ قَلبي والصّبابةِ والجَويٰ... 

   والمُنتَهي مِنْ كلِ حُبي والهوىٰ.

.......

.والوصلُ فيكَ مُنتَحِبٌ كأّنهُ.

    رَوحٌ منِكَ والهيامُ قد اشْتَويٰ.

........

.فاالودُ فِيكَ محفورٌ أناجيهِ.

   يَسْري  بَِدمي ليكونَ هو الدّوا.

... ....  

.قُولي بِرَبكِ انتِ نورٌ للضحيٰ.

   اَمْ انتِ نَجمٌ والقَمَرانِ قد  اسْتوي. 

.......     

.كَيْفَ الوصولُ الي حِماكِ واننّي.

   شبحٌ من اللهيبِ قد اكتويٰ...

.........

.َانُوحُ  حتّي تقولُ نفسي قد كَفي 

  كيفَ الضّني والانينُ قد رويٰ.

......  

.يانُجوْمُ اللّيلِ عنّي ابلِغوا..

   اُريدُ وصلاً و الحنينِ قد نوي..

........

.اوْ حتّي طَيفٌ من خيالكِ يَنْحَني.

    فإنّ رَوحِكِ لِفؤادي قد احْتويٰ

.... ..... ....

شعر/عادل تمام الشيمي...

.

🎻تغريدة حب🎻كلمات الشاعر/ صلاح سعد

 *  تغريدة ..حب *

---------------------

أحرام أن يأخذني حبك من ذاتي؟

أعيب  أن  أسكنكي مولاتي؟

فكوني أنت سفيرة حب للعالم 

كي

اتنفس نسائم عطرك اينما تكوني 

فأنا ودوار الشمس سواء 

ابحث دوما عن حب 

لايعرف الا وفاق

نرسمه بين النجوم فى السماء

 ونسعد ونتهلل اذا حان اللقاء 

--------------------------- 

بقلم * صـــــــلاح سعـــــد *

😄ضحكة بقشيش😄كلمات الشاعر/ سعيد الشبراوي

 (ضحكة بقشيش)

باللغة العامية 

كلمات الشاعر/سعيد الشبراوي

وليه بس الجبين.... يكش

             ولا بسمة إرتسمت ع الوش

حتى السلام ...........مفيش 

            ولاضحكة تطلع .....بقشيش

وليه بقولك إنت...... لازمنى

           وإنت تقولى......... متلزمنيش

ولا فى يوم عرفنا...... الغدر

          ولا عِشرة هانت...... متقوليش

ولااللؤم  .........عرفناه يوم

         حتى المكر عندنا ......مفيش

ولا هانت علينا حبة... ملح

        ولاهانت علينا....... لقمة عيش

ولا كان من أخلاقنا القبيح

       والحب جوانا على طول يعيش

وحنفضل  زى ماكنا زمان 

  كرما جوادين وفى الخير ..مبنخليش

هى دى أخلاقنا ياسيدى 

                        وزى أخلاقنامتلاقيش

أما الاخلاق عندك إنتهت 

                      وإلى باقى منها مفيش

إسمح لى دى مش أخلاق 

         دى أخلاق ناس....... حناكيش

دالى مقسوملك هو نصيبك

       أصل الدنيا مش...... بالتكويش 

الدنيا أخلاق كرم.... وحياء

        مش طمع وأخلاق...... مفيش

ولا عايزين جزاء من بشر

        ولا حتى ضحكة...... بقشيش

رب العباد هو الرازق 

       وهو إلى يهمنى وغيره مفيش

👏مادام الدنيا مش دايمة👏كلمات الشاعر/ أسامة جديانة

 عشت فقير و ايه يعني

ما انا مبسوط ومتهني

و بدعي ربنا يعيني

على حالي وأنا راضي

ما دام الدنيا مش دايمه

و لا بد القيامه قايمه

تفيد ايه البطون صايمه

و لا على الفته عايمه

و حامد ربنا و راضي

-------------------

يفيد بايه كتر المال

مادام راح أسيبه للعيال

و يوم القيامه أكون حمال

و أُسال منين جه و راح المال

ما أروح احسن و جيبي فاضي

--------------------------

أنا عايش حد الكفاف

مافيش يوم من الرزق أخاف

و لا بسأل انا بإلحاف

و بكسب رزقي مانا طواف

كفايه شُفت أحفادى

-----------------------

عمري ما

أحتجت لإنسان

في رضا ربي أنا طمعان

أقابله وقلبي في أطمئنان

ما عداش يوم ونمت جعان

وشاكر ربنا و راضي

============

               (((أسامه جديانه)))

👏اسألي👏كلمات الشاعر/ السيد صالح

 ا

سألي كل القلوب

جواهم فَتِشي

مين فيهم زي قلبي

في حبه لما بينتِشي

في شوقه لما بيندهك

وف خجله لما بيختِشي

اضحي  وأرويكِ بدمي

لو يوم حبيبتي تعطشي

ده انا قلبي صاين لوجودك

ما يخطي يوم بره حدودك

لا يضل عنك ولا يِرتِشي

السيد صالح 💖

🦜عودة إلى العصفورة..🦜كلمات الشاعر/ رفعت محفوظ

 عـودة إلـى الـعـصـفـورة 

وحشتيني

يمين بالله وحشتيني

وحشني الحب فى عيونك

وحشني السحر فى جفونك

وحشني طيف على الميّة

يلاغيني ويغريني

وحشتيني

أنا سواح يا جنيّة

سافرت كتير

وطول عمري

مابين الشط والميّة

وشفت كتير

صبايا ع الشطوط نايمه

عيونهم للرفيق هايمه

 تناديني

وحشتيني

وبعد السير وترحالي

رجعت لبلدي ودياري

خليٓ البال

وكام موال بيحلالي

أغرّد للطيور وحدي

وأمسح بالزهور خدّي

لدمعة نازله من عيني

 وحشتيني

وجيتيني يا عصفورة

يا بنت الإيه يا غندورة

دخلتي جوه بستاني

بكلمة حلوة مشهورة

سمعها قلبي طار مني

وطيرتي معاه يا سنيورة

ومن يومها وأنا بأغنّي

وأشكي للطيور همّي

ووعد جميل على اللقيا

 ومن همّي ينسيني

وحشتيني

أنا جايلك يا جنّيّة

يا بنت الإيه يا حورية

معايا زادي وزوادي

معايا الحنّة بإيديا

وريحانة وعود ياسمين

وكام وردة مندّيّة

وتوب أبيض 

معاه طرحة

وتاج فيه ماسة ملالية

وأمد الإيد

 لعمر جديد

وكل الناس تهنّيني

وحشتيني

 

رفعت محفوظ-الإسكندرية

🌹ليه يازمن🌹كلمات الشاعرة/ هوي الامام

 ليه يازمن 

بختي فيك مايل

طول عمري فيك بحايل

لا شوفت منك فرح

و لانخلي طرح بشاير

طول عمرك قاسي عليا

خدت مني اعز ماليا

عايش فيك وحداني

لا حبيب يمسح دمع عنيا

ولا يحميني لو جرت

يوم عليا

ساقيني المر كاسات

وشبعت منك اهات

وقلبي بيبكي ع اللي فات

وتعبت فيك مدادية

بحلم بيوم تجيني

وتداوي جرح سنيني

وتصلح اللي انكسر فيا

وأيامي تصبح وردية

اشوف السما صافيه

من غير غيوم

كلها نجوم تنور لياليا 

وانعم بقرب الحبايب

واقول الزمن راضي

عليا

     هوى الإمام

🌹المهاة عيونها 🌹كلمات الشاعر د. علي عيد

 وتسللت وسط الظلام غزالة 

مافاقها بالحسن من اقران

وظننت حين تسللت في غفلة 

أن الهلال من السماء  أتاني 

البدر في حلك الليالي مسرف

في ضوءه وجماله أغواني

ياحاسدين تمهلوا كي أنتهي 

من وصفه فالحكم شيء ثان 

الجيد جل جلاله في خلقه 

والخصر  مياس كما الثعبان 

والوجنتان بحمرة وردية 

صبغت بماء الورد والريحان 

أما العيون... فالمهاة عيونها 

والحاجبين فقوسهم أرداني # د

علي عيد

👍بطلت اسأل👍كلمات الشاعر/ شريف العمدة

 بطلت اسأل عنك يمكن

أأقدر مره في يوم انساكي

يا خسارة مطلعتش بنسى

وفاكر كل دقيقة معاكي

فاكر مسكة ايدك ليا

عارف كنت انا ايه جواكي

فاكر لما مشيتي ساعتها

قلبي اتخلى فارقني وراكي

وازاي هقدر انسى وعادي

كل ده عني يروح بالساهل

لو فينا واحد راح ينسى

يبقى مكانش صحيح يستاهل

كل علاقة بيكون فيها

حد أصيل حد بيتساهل

مش قادر اتخيل إني

كنت الطيب كنت الجاهل

معقول هنسى سنين كات بينا

معقول هنسى حاجات عشناها

ده يدوب صورتك لو بلمحها

بترجعني سنين وياها 

لمواقف حلوة يا جمعتنا

وذكرى ياما سهرت معاها

وازاي هقدر اقول انا بنسى

وانا فى الأصل عايش جواها

وازاي هقبل اعيش مع غيرك

وازاي هتكملي مع غيري

كل ما افكر فى انك روحتي

بختل وتنقص مقاديري

بقى بالساهل نبقى لغيرنا

مش قادر استرضي ضميري

يرضي مين بعد اما راعيتك

واحد تاني هيحصد خيري

لو على البعد مسيرنا نقرب

لو على القرب مسيرنا نواصل

ياما زمان عدينا وفوتنا

ياما زمان خطينا مشاكل

مش دي عوايدك لما بنزعل

تسيبيني لوحدي بتساءل

كنا تملي لما بنزعل

انتي اللي تهدي المسائل

قلبي مصمم يفضل فاكر

قلبي مصمم انه يحبك

قلبي بيعجز عن هجرانك

لا هو قد الهجران ولا قدك

ياللي فرشتي الدنيا قصادي

مين يقدر يسعدني في بعدك

أنا لو كل الدنيا فى

ايدي

أنساها ولا اتوه عن حب

أنا لو ملك الدنيا ركعلي

أغفل عنه ولا اغفل عنك

#شريف_العمدة

🌞ياشمس عودي🌞كلمات الشاعر/ جمال علي

 ياشمس عودي

************

ياشمس عودي

وانشري دفء المكان

بالحب جودي

وأمليء القلب الحنان

واسكبي كأس المحبة

وأروي أزهار الجنان

هيا اشرقي وتلألأى

فبك الأماني والأمان

شمس تناغم ضوءها

فأنار في وجه الحسان

واذا بقلبي هائما

ومودعا دنيا الهوان

ياشمس عودي وانشري

بالحب أرجاء المكان

شمس أتت بالحب

زانت موكبي

أرجوك ياشمس المحبة

ألا تغربب

أشتاق دوما للسعادة

بشعاع ضوءك فاسكبي

ولنلتقي في كل آن

فأنت بيتي بل وانت مذهبي 

ياشمس سحرك

دق أبواب الحياة

فإذا بنبض القلب

قد تعالى منتهاه

والجود والشوق أطل

فأنار مسكا للحياة

ياشمس عودي وانشري

نور المحبة في

كل اتجاه

************

جمال على الشرقاوى 

شاعر العامية 

مليج منوفية

♥️من يضاهي حبيبتي♥️كلمات الشاعر م. محمود الحريري

 "من يضاهي حبيبتي"

---------------------------

نَظَرْتُ للْأَزْهَارِ فِي بُسْتَانِهَا

عَلَىٰ الغُصُونِ تَعَدَّدَتْ ألْوَانَا

تَمَايَلَتْ تَحْتَ النَّدَىٰ أَوْرَاقُهَا

تَسَاءَلَتْ.. مَنْ مِثْلُنَا زَيَانَا 

هَلْ بِالْوُجُودِ مَنْ لَهَا إشْرَاقُنَا

وَمَنْ يُضَاهِينَا فِي فَحْوَانَا

إنَّ الْجَمَالَ كُلَّهُ فِي رَوْضِنَا

وَتَنْتَشِي الْقُلُوبُ مِنْ نَجْوَانَا

وَتَهْدَأُ النُّفُوسُ فِي أَجْوَائِنَا

فَمَنْ مَشَىٰ بالروضِ لَا يَنْسَانَا

أَجَبْتُهَا بِكُلِّ فخرٍِ قَائِلَاً

حَبِيبَتِي.. جَمَالُهَا فَتَّانَا

غَطَّتْ عَلَى الزُّهُورِ فِي إِشْرَاقِهَا

وَعِطْرُهَا.. أَدْمَنْتُهُ إدْمَانَا

وَلَيْسَ فِي الْوجُودِ مَنْ فِي حُسْنِهَا

وَالْكُلُّ.. يَسترضيهَا وَلْهَانَا  

لَٰكِنَّهَا.. لَمْ تُخْفِ عَنِّي حُبَّهَا

وَأَصْبَحَ الْقَلْبُ.. بِهَا نَشْوَانَا

قَدْ ذُبْتُ عِشْقَاً عِنْدَمَا أَحْبَبْتُهَا

وَقِصَّتِي.. عَزَفْتُهَا ألْحَانَا

جَعَلْتُ مِنْ أَوْرِدَتِي.. بَيْتَاً لها

وَقَلْبُهَا..قَدْ صَارَ لِي عُنْوَانَا

-------------------------------------

بقلمي؛؛ م/ محمود الحريري

من بحر الرجز

👍سيد الرجال👍بقلم الشاعر/ محمد يونس

 (سيد الرجال)

ياضارب الدف

اشدوا لنا وزف

من اخبار الرجال

عن رجل من زمن

وفي زمن

عز فيه وجود الرجال

كلمة حق في حق حضرتك

وفي حضرتك تتقال

اسرت قلوب الجميع بعطفك

من اطفال ونساء ورجال

الكرم أصلك والحب فصلك

والخير وصلك

والكل ينعم في عزك

من قاصي وداني ورحال

ياصرح عالي وانت ربانه

نثرت الجد فى كل اركانه

في العلا مكانتك

وفي القلب مكانة

ياصرح  عالي

وانت انت ربانه

الله أعزك 

ودام فضلك وعزك

لموظف وعامل وحمال

أطال الله لنا فى عمرك

وعمر أحفادك وأحبابك 

هشامك وعمرك

فأنت الجد والجدا

والأب والأخ والعم والخال

حقا وصدقا ويقينا

أنت رجل

من زمن وفي زمن

عز فيه

وندر

وجود الرجال

بقلمى

محمد يونس

🌹غاوي🌹كلمات الشاعر/ سامح توكل أبو السبح

 غاوي

=====

ليه الحب ف عرفك قاسي

 ليه ساقياني المر ف كاسي

 عاشق ليك ودايب دوب

 وانت بتنكري ليه إحساسي 

_______

لو هتعدي أمانه تهدي 

بدي أشكي لك ناري ووجدي 

وازرع ليك الشوق دا جناين 

تقطفي منها قصايد وردي 

________

عايز الملم كل جراحي 

وافضل ليك عشان ترتاحي 

والضم  نجم السما واهديكي 

عقد النور والهنا صباحي 

________

ماانت الكون والقمر العالي 

وانت شموس الصفا تحلالي 

مهما تصدي انا فارد ودي 

دا انت منايا وكل آمالي 

_______

هارسم ليك الحب غناوي 

واحكي لكل الكون دا حكاوي 

لاجل عيونك هارمي شباكي 

يمكن اصيدك أصل انا غاوي 

=======

بقلمي سامح توكل أبوالسبح

👏رفقا ياغياب👏كلمات الشاعرة/ هوي الامام

 رفقا يا غياب

وتئن الدار شوقا لساكنيها

ما عادت بعدهم شيء يرضيها

يا دار قد ارهقنا الغياب

وما عاد يجدي لوم ولا عتاب

حين رحلوا تركوا لنا الأحزان 

ورحلت معهم الحياة ومعانيها 

رفقا رفقا

ياغياب فقد إزداد الإشتياق

والدار موحشة تشتاق

ساكني

ها

هوى الإمام

🌹خلص الكلام🌹بقلم الشاعر/ أحمد فرج السوداني

 خلص الكلام

توهت مني بعد القرب

يجي البعاد

سكه تايهه بالعناد

كنت تتمني تقابلني

كنا نجلس بالساعات

ولا يدخل بينا السكات

نرسم سكه ونبنيها

بكل أمانيها

اسره وبيت واستقرار

فجاه وسط الاماني

طلعت جاني

وكمان غدار

سقط الحلم 

وحيطان الدار

كلها كانت اماني

انت الجاني

حتي الاحلام

ما عليا ملام

بعد الملام

روحت مني

غصب عني

بقولك سلام

بقلم احمد فرج السوداني

🌹رمونتادا🌹بقلم الشاعر/ حمدي توفيق

 ** رِمُونتَادا **

<><><><><><>

مِش

أول

مَرة

تظهَر تَاني فى الصُورة 

مِش

أول 

مَرة

أبَقى بِكُل عَمَايلك مَبهورة

مَع

إني

فى أخر مَرة قُلت مِش رَاجعة

مِن

 بَعد

مَاسِبت مَشاعري  وِكَل جَوَارحي

مَكسُورة

******

وَأدِيني

لِسه

بَقولهَا

بِعِلو الصَوت  .. . يَاسَادة

وِلسَاني

بشوفك

أناني

فى

مَشاعرك كَما العَادة 

ولو 

فَاكر إني

رَجعَالك

مِنيش  .... رَاجعة

ولو

عَملت

لِهوَانا

مِليُون  ..... رِيمُونَتادا

*****

مِش

أول

مَرة

تقول سَامحيني أنا  غَلطان

ولاَ أول 

مَرة

تجرَح وتسيبني مع الحرمَان

لاَزم

تعرَف

إن أنا  .... حُرة

ومِش

نَاقصة

الحياة  ......  سَجان

<><><><>

 بقلمي

الشاعر / حمدى توفيق ((الأستاذ المصرى))

👏السؤال👏كلمات الشاعر/ عصمت البيلي

 السؤال 

إيه معنى الحرية للبنات؟؟

(أنا حرة)

----

طبعا حرو

فى تصرفاتي وعلاقاتى

وف أياامي وف حياتي

وأكلي ولبسي وإختيار صاحباتي

ودراااستي علمي وأدبي بكلياتي

*

موش عشان معجبة بيك

وعيني يوميا دايما عليك 

وبغير من إللي حوااااليك

أكون جارية ليك

وأسمع أواامرك وأداديك

لاء ياحبيبي

أنا ليا شخصيتي وذاتي

وعارفه نفسي وصفاتي

*

زمن سي السيد راااح

والحياة بقت براااااح

والياشمك فك وساح

والفراق والخلع مباح

وفتح الفتاح 

البنت تختار وقلبها مرتاح 

والغصب والضرب إنزاااح

ان كان عاجبك اسقيك شرباتي

موش عاجبك باى باي ياحياتى

*

طبعا أنا 

حره فى تصرفاتي وعلاقاتى

-----------

ألخال عصمت البيلي

♥️انتظرتك♥️كلمات الشاعر/ عبدالرحمن عبدالسلام

 انتظرتك 

ذات شوق عاصف

وضجيج عشق لاينام 

انتظرتك تأتي حتى طيفا 

حتى أضغاث أحلام 

......

عبد الرحمن عبد السلام فراج

♥️قلبك أبيض♥️ بقلم الشاعر/ وافي اسماعيل الشلبي

 قلبك أبيض

_________

أيوه طيب كان أمير 

كان زمان بيضخ فينا

نبص عايش له خرير

كان بيشدو بالمعاني 

والأماني والخصال

كان بيتمنى التحية 

حتى يسمع للرجال 

كان بيتسلق جبال 

كان لطبعه الإرتجال 

كان لطلته السعادة 

والمودة وكل خير 

لما كان بيعبي منكم 

كان بيفرط أو يفرفط

عمره ما يعرف يشيل 

كأنه كان بيربي نفسه

كاسي إسمه بوشم خير 

كأنه طير مدبوح ولكن

من حلاوته يبتسم 

قال دا ايه المستحيل 

الأذين مقطوع بينزف 

والبطين دايب بيذرف

بس دام الإتصال 

يبقى ليه الغربه يعني

يبقى ليه يا بن الحلال 

هو كان ولا كائن 

أعتقد لسه مازال

بقلم/وافي إسماعيل الشلبي

🌹لمي بقاياي🌹بقلم الشاعر/ يحيى عبد الفتاح

 قصيدة ( لُمِّي بقاياي )

لُـمِّي بَقَايايَ من شَـتَاتِ الأرضِ

إنَّ بـَعـْضِي ضَـاعَ من بَـعـضِي

أسـيرُ فـي البِـيدِ هـائماً وحـدي

يَـقـضي بـيَ التـِيهُ مـا يـَقـضي

ملـيكةَ القلبِ إنَّ القـلبَ يـُفـضي

بسـِرِّهِ في عِشـقِ عَينـيكِ لِتَرضِي

والـعُمرُ يا عُـمـرِي قـليـلٌ فـَرْحُـهُ

لحظةً ألقاكِ فيها غريباً ثم أمضي

..........        ............         ...........

لُـمِّي بـقايا سـنـينِ الضَّـياعِ فإنِّي

طُـفتُ اللـيالي غريـباً أبحثُ عَنِّي

مـَلامـِحُ وجـهي وصـوتُ غـِنائي

وبيـتُ قَصـيدِي قد تنـكروا منِّي

فـعُدتُ أجـُرُّ كـهولةَ عُـمـرٍ تَـولَّى

تَـرَكـتُ ورائـي شَـبابي وزَمَـني

وجـئتُـكِ أطـوي بـلاداً حَـزيـنة

فـكوني بـربـِّكِ وطَـنَ الـتَّغَنـي

...........      .............        .........

أَقْـبِلي  وقَـبِّلي الزهورَ  السُّـكارى

يا بـهجةَ  الربـيعِ  فـي  فـُصُـولي

يا شـَوقَ  اللـيالي  لِـطلـعةِ  بـَدرٍ

سَـنَاهُ مـن نـورِ لـقيـاكِ  فَـصُـولي

في رياضٍ مـن رياحـينٍ  تَـمَنَّـت

عِـطرَ أنـفاسِـكِ يسري في الخَمِيلِ

فَـارحمي الزهـَرَ مـن فَـصلِ الذبولِ

وارحـمي العُـمْرَ  مـن  لـيلِ  أُفُـولي

..........     .............      .............

جَـفَّ نـبعُ السُـلافِ فاسْـقِنِي شَـهدَكِ

قَـد جُـنَّ  الـرِّضَـابُ  حـينَ  الـتَقَـيـنا

مـا  عُـدتُ  أدري  أَيَّـانَ  مـرسـاي

ولا  أعـلَمُ  مَسـراي  إلى  أيـنَ

ولـقاءٌ  راقـِصُ اللـحنِ نشـوان

يَـصبُّ الحـنانَ  فـي  شَـفَتيـنا

فَـانْـثَنَى اللـيلُ  يَـسرِي  بـلحنٍ

خَـلَّدَ  للكونِ  رَقـِيقَ  مـا غَـنَّينا

     بقلمي ( يحيى عبد الفتاح )

🌹سجال مع الرواد🌹بقلم الشاعر/ أبو مؤمن جوهر

 سجال مع الرواد .

*************و

توت عنخ آمون

في مصر كنت الملك

لك جيش ولك حاميه

ودوله غير دولتك

ما تعمل الموميه

و امه غير امتك

ما بتزرع الباميه

ولما خشوا عليك

المقبره  يلاقوك

نايم مفتح  ولكن

في بلد عـميه

( بيرم التونسي )

____________و

المجد كان صنعتك

ليه بس فيـه ضـعنا

تايهين وعن سكتك

وسط الأمم صعنا

كل الشعوب ورثتك

الا أحنا ليه جُــعنا

عايشين كما العالة

نتسولوا . فلــوسنا

و الكل .. بنعـاله

بالعلــــم بيدوسنا

بتاريخنا نتعالى

و واقعنا  يخرسنا

م الفقر ما خلصنا

حتى الهدوم بعنا

(( أبو مؤمن جوهر ))

👏الهمجي والعذراء👏كلمات الشاعر الكبير/ أ. إبراهيم جعفر

 *** الهمجي والعذراء ****

ــــــــــــــــــــــــــــــــــــــــــــــــــــــــــ

بـقـلمـي /إبراهـيم جـعـفـر

//////////////////////////

تُـحـدقُ في وجـهي الأشــــــــــــــــيــاء

تـرمُـقـني في سُــــــــــخـريـــة وازدراء

تـســـــــــــــــــــألـني بــمرارة الاعــيـــاء

لمَّ حــملــتــنــي .؟ لـِمّ خُّـــنـــتــــنــي.؟

لِمَّ اغتلت البراءة  وزيفـت النـقاء  ؟!

قـدسـتَ الريـاء وعــشــقـت الهُـراء

لا تـقلْ لـم أخُـنْ . . فـقـلـبي ســــجـلٌ

أحصـــــــى علــــــــيـــــــــك كُـل الارزاء

حـصَــاد جُـنـــونـك . . . والأخــطـــــاء

حـصَـاد حضارتك .همجـيتك الرعـنـاء

سـلْ أمـسـك وانظـر في كُل الاجواء

في البحر .. في الأرض .في الســمـاء

فالـماءُ في خــــريــــرهِ آنــــيـــنٌ وبُـكـاء

البحرُ .يشكو لضفتيهِ أنانيتك الحمقاء

يـســـــــــــألكَ في عـــــفْـويــــــــةٍ وذكاء

لـمَّ دنـسْــــتـني ؟! . لِـمَّ قــتــلْــتــــنـي ؟!

انـتـهــكــــتَ طــــــبــيــــعــتي الــــعذراء

أُعـطـــــــــــــــــــــــيـكَ طــعاما شــــهـيــا

تُـعـطــــــــيــنـي سُـــــــــــمـاً نـــقــــــــيــا  !

أُهـديــكَ الـحـيــاة تُـهــديــني الــفــنــاء !

حَـذاري من غَـضْـبتي إذا  ما الميـعادُ جاء

ســلْ أمـسـك وانظـر .. في كُل الأجــــواء

الأرضُ .. مــــنـك غــضْــبـى حـزيــــــــنــة

تـسَّــمعْ حـديـثـها حـاول أن تـســتــبـيـنـه

أيـنـما أقــمْـتَ .. لك خــيــراتـــي وكُـــنـوزي الـدفــــــيــنــة

ظـللـتـكَ أشـجـاري . وأطْـعَـمتْـكَ بـســـاتــيـني الجـميـلة

حين حَـكَـمْـتَ .. ما عَـدَلْـتَ  .. تــحـكَمْـتَ .. فـظَـــلـمْـتَ !

وأنـا هــادئــــــة ٌ. . .صــــامـتـةٌ .. رزيـــــــــنــــة

أُســـــــــجـلُ عـلـيــــــــــكَ كُلَّ خـللٍ .. ورزيـلـة

تـسـمَّـع لحـديـثي  ...  حاول أن تسـتـبـيـــنـه

. . .  .  .  .  . خُـلـــــــــــقْـتُ لكَ .. مــهــاداً مُـمــتـدا

أحْـملُ بين مـنـاكبـــي . أُمــمـا لا تُـحــــصـــي عــدا

جُـبـلـتْ .. على الـتـوحــــــــيــــد حُــبـــــــا .. وحـــمْـدا

ما بينها أُمـةٌ ، حملتْ لبعضها ،شـــــــــــراً وكـمـدا

إلاك .  دوما  تُــشــــــعِـلُ حـــربـا  ، وتُـــدمـرُ بــددا

يـا مـن حـمـلـــــــــتَ .. الأمــانـة. . .وأخـذتَ عَـــهْـدا

فـخُـنْـتَ .. واتخَـذْتَ لحْـمَ أخـيـكَ .. لسـيـفكَ غمدا

تـلـقـيْتَ الهداية .. تلو الهدايـة. . .عـوْنـاً .. ومـددا

شـــرُفْـتَ بالـخـلافـةِوهُــديـتَ الـنـجـديـنِ .. فضــلا

لم تُـجْـبـل .. على الـتـســيـيـر. . .  تـكـريـمـاً ونُـبــلا

لديــكَ.. الرســــــــالات تـهـديــــــــكَ للحـقِ سُــــبــلا

فـلِـمَّ . لا تـغــمُـرني أمــنــا .. وســـلامـاً .. وعــدلا ؟!

لا أُنـاديـــــــــــــــكَ .. ضــعْـفـا ، لا أُنـاجـــيـكَ .. هـزلا

فـيــــــــــــــوماً .. ســــــــــيـحـقُ الـحـقُ .. فـيــكَ قـوْلا

تُـفـجـرْ بِـحـاري ، تُـنْـسـف جِـبـالي تُـحـدثُـكً أخْـبـاري

ولـن يُـرجـى ...في النــجـــــاةِ أمــــلا

سـوى .. من كان للـخـيـراتِ .. أهـلا

ســــلْ أمْـســـــــــــــــــــــك ، اُنـظـر .. في كُل الأجـواء

تـرى سـفـاهـتـكَ جـاوزت الأرضَ طـاولت السـمـاء

نــفــثْـــتَ .. سُــــــــــــــــــــــــمــــومـك الســــــــــــــوداء

شـــــــــــوْهـــــتً الـجــــــــــمـال لـــوثْــتَ الــفـضـــــاء

اصْـــــــــغِ إلـيـهِ .. يُـعــاتـبُــكَ في مـرارةٍ .. وشـــقـاء

سُــــــــــــــــخـرتُ لك .. ســــــــــــــــيــاجا ، وغـــــطــــاء

أحــــــــــــمــــــــــــــــــــــــــــيــكً .. من كُل شــــــرٍ وبــلاء

أسُـــــــــــــــــــوق الـسُــــــــــــــحْـبَ .. غـــيْــــثـــا جُـــمـاء

أُحـــيــــــــــــــــــل  كُـل قــــــــــــفـرٍ أيــكـــــــــــــةً غَــــنــاء

جــــــــــــــــــــــــــــــــداولَ وأنــــــــــهـــاراً عـــذبـة الـــرواء

شـــــــــــــــــــــمـــسٌ .. دفءٌ ونـــــماء

قـــــــمـرٌ .. ســــــحـــــرٌ  . . وضـــيــــاء

لا أُعــاتُــبُــكً  ، عـجـزا .. ولا  رجــــاء

فـأنـتَ الـخــاســـــــــــــــرُ  ، إذا . ما الـمـيـــعـادُ .. جـــاء

********************************************

بقلمي / إبـراهـيـم جـعـفـر

من ديوان ( الترحال على جناح الحُلم )

مخطوط .. لم يطبع بعد

قد تكون صورة ‏شخص واحد‏

أعجبني

تعليق

مشاركة

🌹حبيبي🌹كلمات الشاعر/ ميدو أبو هريدي

 حبيبي رغم انه 

كتير ياما قلولي عنه 

بيحصل منه ومنه 

قلبي ولا فارق معاه

****

خدني من لحظة وثانية

خدني ايوه لدنيا تانية

من يومها عقدت النية

لسهر لوحدي واستناه

****

واللي اتقال لا فارق معايا

ولا بيغير شيء في جوايا 

وسألت قلبي عن الحكاية

لا جاوبني عنه ولا استغناه 

****

بالعكس ده كان يحكيلي 

قلبي عن طيبة

قلبه يا عيني 

وقولهم ده ولا يعنيني 

ولا عمري في يوم اتحداه  

****

كلمات بقلم الشاعر / ميدو ابو هريدي

💦ودوني البحر💦خاطرة بقلم / سحر أحمد محمد

 ودوني البحر 

خواطر 

***///***

ودوني البحر عايز 

انزل واغطس جواه

يمكن ألاقي حورية 

وجنية طلعالي من 

قلب المية 

قلبها طيب وكلها حنية

أنا تعبت من الوحدة ومن 

الحرمان مش ناقص أكره نفسي 

أنا تايهة بدي عروسة تكون عايزاني 

مش أكون مجرد فلوس وجهاز دايمآ 

مصعبينها عليا والله وما ليكوا عليا

حلفان كرهوني فى الجواز أجيب منين

والعيشة صعبه وع قد الحال ويرجعوا 

يقولوا رجالة نظرها ضعيف ومش شايفين 

الحلاوة والجمال

   سحر أحمد محمد

👏مش فى الوشوش👏كلمات الشاعر/ السيد صالح

 الجمال مش فى الوشوش

ياما ناس جميلة لكن وحوش

بقلوب مريضة ونفوس جحودة

حتى العتاب مبتقبلوش

ضمير غايب أخلاق فقيرة

والضحكه صفرا من إزاز

دهب لامع بس عِيره

وفى الردود الصوت نشاز

القلب بالغرور مشحون 

 

معدوم الشعور مسجون

والوجه حلو ومش بشوش

الجمال مش فى الوشوش

الجمال جمال نفوس

ونية سالكه ومش خسيسة

لا هي بالجاه ولا بالفلوس

ياما ناس معاها لكن رخيصة

شكله حلو البيه يِصُر

كل أمله إزاي يِضُر

أما ينفع لا ملوش

الجمال مش فى

الوشوش 

السيد صالح 💖