بإحساسى
******
بإحساسى وحبيتك
وفاكرك عمرى ما نسيتك
بكل الحب وفيتك
بقلبى وروحى انا العاشق
لحد الباب انا جيتك
فتحتى الباب وحييتك
دخلتى القلب وهويتك
بروحى بقلبى مش فارق
ومهما اوصفك ناسى
بقلب رقيق ومش قاسى
ملكت القلب واحساسى
وسهم الحب كان مارق
بإحساسى حراعيكى
فى صحوى ونومى اناديكى
ونظرة حب فى عنيكى
تخلى الشوق كتير رايق
بإحساسى واحساسى ما بيخيب
وايه فى الحب بيعيب
دا نهر الشوق بريح طيب
بنسبح فيه ونترافق
جميلة بسحرك الفتان
بحس لقاكى كله حنان
وحبك راقى كله أمان
وسحر عنيكى كان سارق
بإحساسى ح اصون الود
وبعدك عمرى معشق حد
بتبنى فى قلبى مليون سد
ح اصون حبك وله عاشق
بإحساسى
*******
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق