ح أسامحك
*******
اسامحك ماشى اسامحك
بس انا نسيت ملامحك
ولو مرة العين تلامحك
ح انظر فى نحو تانى
ح اسامحك ع اللى فات
وانسى بفكرى الاهات ومعاها الذكريات
ماخلاص انا حبى مات
وابعد مشوفكش تانى
ح اسامحك ع الجراح
والحب فى قلبى راح
دا كفاية فيه سماح
وعودته على التفانى
كان دايما شارى ودك
اهداك اخلاص فى حبك
وقابلته بقسوة منك
نسى حبك والامانى
وسامحتك غصب عنى
دا كرم ومنة منى
ولو يوم قربت منى
حتندم عشان انت جانى
ح ابعد عنك واسيبك
خلاص مابقيت حبيبك
اوعى الغرور يصيبك
دى حياتك فى التدانى
ح اسامحك ماشى اسامحك
والله نسيت ملامحك
ولاعمر العين تلامحك
ولا اشوف وشك ثوانى
ح اسامحك
******
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق