00 عصيــــــان 00
()()()()()()()()()()()
ساعات
حرفي
بيكتبني
ويفضح فكري ومشاعري
وساعات
الكلمة
بتعصاني
ومتكتبش اللي .. يوجعني
وساعات
أفضل علي
دا الحال
ولا فيش حد ... يسمعني
ومع
نفسي
أحب أعيش
وأقول ياهَم...وَدَعنـــــــي
وأتمني
همومي
تزول
وأخدعها .... وما تخدعني
وساعات
آقعد
مع نفسي
وأقول دُنيا وإية ... يعني
مهما ً
طالت
مهيش دائمة
وجاي اليوم أودعها تودعني
وساعات
أزعق
بعلو الصوت
بهَم في قلبي ... واجعني
ألاقي
الصوت
بيرجعلي
ومفيش حَد .... بيسمعلي
أقوم
أكتب
ف كراسي
كلام بيمس .... إحساسي
عن
عيشتي
مع أهلي
وعن حيرتي مع.....ناسي
مفيش
حد
بيطبطب
مفيش حَد ..... بيواسي
غير
حرفي
اللي يكتبنى
وينقل فكر من ... راسي
بيجمع
كل
افكاري
ويظهر ليكو ... إخلاصي
برغم
مشاكلي
وهمومي
كتير منها أنا ... بقاسي
ومع
ذلك أنا
صامد
وثقتي ف ربي دى أساسي .!!
()()()()()()
()()()
بقلمي
الشاعر/حمدي توفيق
(((الأستاذ المصرى )))
ليست هناك تعليقات:
إرسال تعليق