سجلت قلبي بإسمك
.......................... بقلمي
وكتبت فيه العنوان
وان كان عليا انا
اهديكِ عمري كمان
حسنك فتني انا
رسمك بديع فتان
وقلبي من فرحته
يرقص علي الأنغام
من غير دموع ولاألم
خالي من الأحزان
قلبي هدية ليك
ومش خسارة فيك
ولو يطول السفر
خليه يسليك
عطشان انا لضحكتك
عطشان بقالي زمان
وغنايا في محبتك
خلاني ابات سهران
من غير دموع ولاألم
خالي من الأحزان
تيجي نروح للقمر
وندله ع العنوان
ولما يحلي السمر
يسهر معانا كمان
نحكي حكاوي زمان
ونقوله ع العنوان
عنواني جوه في قلبك
ولافيه غيره مكان
سجلت قلبي بأسمك
وكتبت فيه العنوان.
مجدي عبد الرؤوف
ليست هناك تعليقات:
إرسال تعليق