راكية نار
_______
براد الشاي
أهو عايش في راكية نار
لا عمره حاش ولا حايش
شوية شاي
ولو إتلسعت من إيده
يتعحب! ويقول إزاي
بقالي ساعتين وأنا بغلي
وانت يا دوب مش عارف
تصب الشاي
حبيبي حبي أنا وحبك
والعود والناي
وقمرة ورملة والميه
وراكية شاي
الله عليك أنا جايلك
أدوق الشفطة من حبك
وأنسي الحاضر والماضي
وينادي الناي
فيتمايل حنين قلبي
والعود أهو جاي
وأوتاره تذيق حبي
حلاوة الشاي
فينسى كمان ويتناسى
ويطلب قلبي في أجازة
وإزاي يقدر يعود تاني
لحضن الماضي والحاضر
أنا عايش هنا وشاطر
وإن نادى كمان مرة
أقول حاضر لصوت الناى
بقلم/وافي إسماعيل الشلبي
ليست هناك تعليقات:
إرسال تعليق