"سَافِرْت ليه؟ "
------------------
من يوم ماسافرت بعيد
وانا قلبى حزين مهموم
طول ليلى بافكر فيك
وعنيا خاصمها النوم
والبال دايماً مشغول
م الراحة بقيت محروم
وباصبر قلبى واقول
ده قدرنا وده المقسوم
🌻🌻🌻🌻🌻🌻
من يوم ماسافرت بعيد
بيحوم حواليا البوم
والدنيا في بعدك ضلمة
مليانة سحاب وغيوم
باشعر دايماً بالخوف
وباحس ان انا مهزوم
فياريت ترجعلي بسرعة
مش عاوز حزنى يدوم
🌻🌻🌻🌻🌻🌻
دا يوم ماسافرت بعيد
كان يوم صعب ومشؤوم
أنا باتعذب في بعادك
جوايا أنين مكتوم
كان لازم يعني تسافر؟
قلبى في بعدك مصدوم
أنا باستناك ترجعلي
بلا أى عتاب أو لوم
ونعيد أيامنا الحلوة
وفى بحر الحب نعوم
🌻🌻🌻🌻🌻🌻
بقلمي؛
م/ محمود الحريرى
ليست هناك تعليقات:
إرسال تعليق