👍يحرم عليا 👍كلمات الشاعر/ علاء محمود

 💥💥يحرم عليا💥💥

لو حَنَّتِيلى كفوفك...

واللهِ ما عاوز اشوفك...

جلبى اللى كان يهواكِ..

كاره حتى حروفك...

يحرم عليا هواكِ...

يدخل صدرى الحزين...

ده العمر عشته باكى...

ولا شفت غير الطين...

لا نمت ليلة سعيد...

ولا زارنى مرة عيد...

وكل ما قول نسيتك...

أنده عليكِ واعيد...

حبك مرمط كتير...

كان حر او أسير...

لو تسمعين. مرة...

اخدك بجلبى واطير ..

إحتار العقل منى...

يوم ابكى ويوم أغنى...

كم مرة كنت أضحى...

خيبتى فيكِ ظنى ...

أخرة عنادك إيه؟؟

غُلبك صابر عليه....

لكن تقولى خاين..

بُعدك أجدر عليه ..

كلماتى علاء محمود