وبسمعك
بقلم/ رجاء حسين
وبسمعك
لما يتوه بيك الحنين
لما بتناجي القمر
في ليل حزين
والنجوم تسمع لهمسك
تعشقه وتقول آمين
تحضن الوردة بايديك
تهمس لها بتحب مين
تضحك الوردة لعينيك
تحضن الشوق والحنين
وأما أتوه في ليل عنيك
والسؤال كان ليه ومين
من بين حروفك ألتقي
قلبك ناداني بكلمتين
وقال حبيبي يا أنا
ومسكنك جوة العنين
أنده عيون قلبي أنا
ألقاك معايا في ثانيتين
ياطيف حنان خدني بشوق
بين السحاب مع نجمتين
والليل معاه حلو السهر
نغني موال القمر
ننسى معاه وجع السنين
----------
رجاء حسين
ليست هناك تعليقات:
إرسال تعليق