قصيدة "أهون عليكى؟ "
------------------------------
هو ممكن اهون عليكي؟
وانتى عارفة إنى عايش
لاجل حبك..
وكل نبضة من وريدي
تقول بحبك...
يبقى ليه عاوزانى أبعد؟
واقتل الإحساس بيَّدي
وانسى حبى
وانزع الحب اللى ساكن
جوه قلبى
قلبي اللي طول عمره
شاريكي..
معقولة برضه..
أهون عليكي .
أهون عليكى اعيش وحيد؟
أوأكون عنك بعيد
أو أَفَتَّح عينى مرة
مَلقَكِيش....
أو ف يوم أنده عليكى
ومَتْرُدِّيش....
أنا يمكن اتجنن ساعتها
من كتر حبي
وشوقي ليكي
معقولة برضه..
أهون عليكي؟
----------------------------
بقلم : م/ محمود الحريرى
ليست هناك تعليقات:
إرسال تعليق