"حكاية قلب"
------------------
الروح بتعانى من الحسرة ،،
والقلب يصرخ ف الضلوع .
والحلق مليان بالمرارة ،،
والعين بتبكى بالدموع .
والسبب كان الحكاية ،،
حكاية قلب عاش مخدوع .
حكاية قلب كان فرحان،،
والحب كان جواه مزروع .
قلب كان مليان إحساس،،
وكانت قايدة فيه الشموع .
كان نفسه يحقق أحلامه ،،
ويعلن حبه بصوت مسموع .
فجأة اكتشف إن غرامه ،،
كان من عدم وفراغ مصنوع .
وحلمه أصبح زى كابوس ،،
بيصحيه م النوم مفزوع .
أصله اتطعن طعنة أليمة ،،
وم الخيانة صرخ موجوع .
إجمد ياقلبى وشد الحيل ،،
واياك تفكر فى الخضوع .
إنسى اللى طعنك بخيانته ،،
واقفل عليه خط الرجوع .
-------------------------------
بقلم : م/محمودالحريرى
ليست هناك تعليقات:
إرسال تعليق