الدنيا دية
مش عايزها الدنيا ديه
قل فيها الإنسانية
تصحى بدرى تروح لشغلك
متلقيش غير الأذيه
إللى يخبط فيك فى ضهرك
واللى يضحك وسط قهرك
ماتلقيش حد يساهرك
فى نداله وناس غبيه
.................... مش عايزها الدنيا ديه
لما ترجع تانى بيتك
يجرى بيك شريط حياتك
مُر غطى على الحلاوه
تاه فى وسط الزحمه ذاتك
نور وميه وغاز طبيعى
والولاد دورها الطبيعى
كله نفسى مين يراعى
مين يحس باللى بيا
...................مش عايزها الدنيا ديه
والجيران والعين يا عمى
صفوا جسمى وصفوا دمى
حرمونى أدخل وشايل
حاجه حلوه تنسى همى
قلت اعيش سهره بريئه
فى ثوانى تقوم حريقه
متشوفوش يارب ضيقه
ع اللي شوفته الليله ديه
...................مش عايزها الدنيا ديه
الشاعر /أبو سريع إسماعيل
ليست هناك تعليقات:
إرسال تعليق