(( أخر رساااالة ))
**. **. **. **
وبعدها همشى بسلام
مسيرى هنسى وبكره تنسى
مهو مين بيفضل جوه جرحه
عايش معااااه طول الزماااان
يمكن سنه ويمكن شهور
هعيش وهتعذب انا ومعرفش أنام
لكن فى يوم هنساك وتبقى عندى ذكرى
لما أفتكرها أأقول حراااااام
ضيعت فيها سنين طويله في حبه
واهو كله فى الأخر كلااااام
كان يقولي إنتِ عمرى
وبعد منك مش هعيش
صدقته وخدعت قلبى
وفى النهايه بيمشى ميردش سلام
لما افتكره اكيد هحن ليه
لكنه ماسبش غير فى القلب جرح
مع حزن وشوية غرااااااام
وابقى إفتكر إن إنت ضيعت الأمانى مننا
ماكنتش عشرة كاااااااام سنه
ده كأنه عمر وكان زمان
أخر رساله واعذرنى حضرتك
لو حبة طولت الكلاااااام
وخلاص ياغالي هريحك
وهمشى وألم الغرااااااام
مايهمكش مجروح أنا
وهداوى جرحى ازاى
أهو جرح من ضمن الجروح
ولاهسألك بعتنى ليه وبكام ؟؟؟؟
خلص الكلام وبودعك
اخر رساله من قلبى ليك
وهمشى فى سلاااااام
يا أحلى حاجه عرفتها وصدقتها
وحبيتها وكان ليك كل الغرام
ومع السلام !!!!!!
وبكده يكون مابينا خلص الكلام
فاطمة عبد الشافي
ليست هناك تعليقات:
إرسال تعليق