ردا علي قصيدة(حكاية قلب)
للشاعر الكبير مهندس محمود الحريري
★* يلا...ياقلبي*★
يلا ياقلبي نلم جراحنا
يلا بعيد ح نعيش وحدينا
مش ح اسمحلك ابدا تبكي
مش ح استني النار تكوينا
يلا ياقلبي نعيش انا وانت
يلا ننسي طول ليالينا
إيه خدناه م الحب ياقلبي
غير القسوه م اللي نسينا
***********
فاكر لما ياقلبي حكيتلك
لما لقيتك ....... يوم سهران
كنت الاقيك بتفكر فيها
كنت الاقيك علي طول حيران
سيبك م اللي الحب ناسيه
سيبك م اللي ملهوش أمان
ليه انا وانت نعيش نتعذب
إيه ح ينوبنا م الحرمان
***********
كانت أكبر غلطه ياقلبي
لما الحب ....... سحبنا وراه
لما غرقنا يا قلبي انا وانت
لما قعدنا .............. نستناه
ياما كتير الليل سهرنا
ياما حيرنا عشان نهواه
واما بناره كوانا ياقلبي
يهرب منا ........... ولا نلقاه
***********
ح نعيش حياتي انا وانت
و ح ننسي ........ طعم الألم
وتنام بالليل................ عيونا
ويدوق ......... لوحده الندم
وياقلبي تعود ......... دقاتك
تشجيني ......... بأحلي نغم
وخلاص.............. وتوته توته
خلاص ............. سكن الألم
بقلمي/اسماعيل عبدالهادي ابوالعلا
مع تحياتي لشاعرنا الكبير
بشمهندس محمود الحريري
ليست هناك تعليقات:
إرسال تعليق