"تصليح القلوب "
--------------------
قلوب كتير محتاجة ترميم
بعد العذاب اللي كسرها
وقلوب كمان محتاجة تلين
علشان ترق لأحبابها
وفيه قلوب محتاجة تنضيف
بعد السواد اللي ضربها
وكمان قلوب محتاجة ترتاح
من التعب واللي جرالها
قولولي مين دايما في نعيم
وقلبه فرحان متهني
ومين ميعرفش الأحزان
وقلبه يرقص ويغني
دا فيه قلوب داقت حرمان
عطشانة للهوى من بدري
وفيه قلوب محتاجة حنان
وإيدين تطبطب وتهدي
لو فيه مكان بيداوي قلوب
مكنش قلب يبات مدبوح
أو فيه ورش بتداري عيوب
هتصلح القلب المجروح
لكن القلوب ملك خالقها
بإيده وحده يقلبها
يحميها ويداوي جراحها
ومن السعادة يقربها
---------------------------
بقلمي،
م/محمود الحريري
ليست هناك تعليقات:
إرسال تعليق