🍁كان زمان؟؟🍁
صدقوني .. كان زمان
لما كان بينا الأمان
والقلوب دايما ..جميلة
خالية من كلمة هوان
***
لما كان البيت يساعنا
جوه منه الفرح زان
يفرش الأرض.. بزهورنا
فيه محبة وفيه حنان
***
قالوا كل وقت لينا
له ظروفه وله آدان
هو معنى ده هننسى
المباديء واللي كان
***
والا أخلاقنا الجميلة
والضمير والكل خان
تبقى كل الدنيا غابة
والكريم فيها . المهان
***
مش هنرضى نبقى فيها
اسم زايل كله فان
احنا جوه منا.. عزة
بالشموخ تكره..جبان
***
حط ايدي جوه ايدك
نبني ونعمر.. كمان
قول لبكره واللي بعده
بيتنا دايما شيء مصان
***
🍁بقلمي/ صفاء الخواجة 🍁
ليست هناك تعليقات:
إرسال تعليق