تم تعديل النص وسبق توثيقه ونشره بجوجل
🔥قدامك خطوة🔥
تعابينك لمها وفارقنا
وبلاش تتعاجب بجمالك
كفاك تتحرش . ببناتنا
وعليهم تطلق موالك
***
عارفينك فى الحي آلاتي
ومشغل طبلك وناياتك
والكل بيحلف ح يحاسبك
على نصبك ويفك حبالك
***
على كل جيرانك واقاريبك
تحتال على عمك أو خالك
وغوايش ستك تسرقها
على نفسك تصرف ولحالك
***
وولادك فايت مصالحهم
إيه أخرة سهرك.. وادمانك
والخمرة بتشربها وترجع
تتطوح .. تفرض طلباتك
***
لو فاكر نفسك راح تفلح
وتزود هيبتك من مالك
غلطان والدنيا بتضحك لك
ح تفوق على ذُلك وهلاكك
***
ولا أبدا ح تلاقي لخيبتك
غير كل مصيبة وجاية لك
ياما قلنا حرامها مهوش دايم
والدايم تعبك و حلالك
***
والسيرة الحلوة كمان دايمة
والسكة الصح دي تهنالك
وباكرر ياحرامي وفاسد
قدامك خطوة على زوالك
***
🔥بقلمي/ صفاء الخواجة 🔥
ليست هناك تعليقات:
إرسال تعليق