ردا على رائعة م. محمود الحريري
(تصليح القلوب)
🌾 كسر . القلوب🌾
في قلوب كتير اتكسرت
ولازمها جبر يضمها
وقلوب كمان زي الحجر
عايزة الحنان لجبرها
أما إللي قلبه من سواد
يا اخوانا حاسبوا ضُرها
عيني ياناس على قلب داب
عانى الوجيعة ونزفها
كل القلوب تعبانة ..ياااه
من آلامها ودمعها
ناسيين ياناس طعم الهنا
ولايوم يدوقوا حلوها
ومن زمان نسيوا الحنان
فارقوه . وفارق حيها
ومفيش معاهم ايد تطبطب
ولا روح تساير جوها
قولوا ياناس فين ح نلاقيه
إللي يصلح نبضها
ويداوي كل حزين وبات
يشكي لقمرها ونجمها
يتمنى لو يلقى الطبيب
إللي يضمد جرحها
وتعيش حياتها بالأمل
تدعي وترجوا ربها
إنه يواسي.. للقلوب
ويراعي رقة حسنها
🌾بقلمي/ صفاء الخواجة🌾
ليست هناك تعليقات:
إرسال تعليق