"قلب عاشق"
------------------
والله قلبي بيعشقِك
ياللي ساكنة في الوريد
ويوم ماعيني بتلمحِك
يبقىٰ عندي أحلىٰ عيد
أنتِي عندي أغلىٰ حاجة
تِبْر خالص مش تقليد
جوه قلبي هواكِي يكبر
وكل يوم عن يوم يزيد
...........
ياللي قلبِِك نبع صافي
قلبي منه بيرتوي
ياللى حضنِك حضن دافي
جوه حضنِك باترمي
ياللى جنبِك بابْقَيٰ راضي
أحلم معاكِي وتحلمي
ياللي قلبى بيكِي عايش
إنتِي دوايا وبلسمي
...........
من يوم ماشُفتِك بَعْشَقِك
واعشق النظرة ف عنيكِي
وكل لحظة تفوت بَحِبِّك
والفؤاد ملهوف عليكِي
وروحي تتعلق بروحِك
وعمري كله بين إيديكِي
............
أنا كل ليلة يزورني طيفِك
والصبح احبك من جديد
وبادعى ربي يحفظك
وتفضلي حبي الوحيد
والقلب يفضل يعشقِك
ياللي ساكنة في الوربد
-------------------------------
بقلم : م/ محمود الحريرى
من ديواني "رضينا بالمقسوم"
ليست هناك تعليقات:
إرسال تعليق