🌹"حكايات في الحب"
-----------------------------
من قصص الحب سمعنا
حكايات زي الأساطير
من بينها حسن ونعيمة
وطريق الحب عسير
وغرام يونس لعزيزة
ووقوعه ف الحب أسير
وروميو معاه جولييت
فى غرامهم قاسوا كتير
من قصص الحب سمعنا
حكايات زي الأساطير
💓💓💓💓💓💓
حكايات الحب كتيرة
علي كل شكل ولون
حكاياته عايشة معانا
وبقالها قرون وقرون
فاكرين بنت المستكفي
وحبيبها ابن زيدون
حبها عشش في فؤاده
وهو عليها يهون
وآدى قيس وغرامه لليلى
بسببها صبح مجنون
وعنتر يعشق عبلة
علشانها يهد حصون
وجميل وهواه لبثينة
وهموم قلبه المطعون
وكتير عشاق في هواهم
بيقاسوا عذاب وشجون
وحبايب عاشوا واتهنوا
وغرامهم يملا الكون
------------------------------
بقلمي؛
م/ محمود الحريري
ليست هناك تعليقات:
إرسال تعليق