🌾بكره بيندهنا🌾
يافرحة ماتهلي علينا
وخدينا يلا وهنينا
على طول بجرح تقابلينا
وتبيعي فينا ماترضينا
ضايعين معاكِ ووخدانا
لبحور غريقة تودينا
تايهين فى فهمك وقساوتك
ونبعد أنتِ. بتغرينا
وتشدي فينا وتبتسمي
وبحلم بكره تواعدينا
وييجي بكره بيندهنا
تباعدي بينا وتاخدينا
لتوهة تانية .واخرتها؟
وياك نبكي بليالينا
ياحزن حل عن ايامنا
وكفاية دمع يبكينا
وإن كنت مش ناوي تسيبنا
ومالي روحنا وامانينا
خلي لنا فرحة موالنا
والكدب جوه بأغانينا
وبلاش تحاوط. أيامنا
وبلاش بكيدك تسقينا
يادنيا ماتحني علينا
كفانا ده أنت بتئذينا
بفرحة دايما.. بايعانا
وحزن غمه.. يشقينا
آمالنا بكره ح تنقذنا
ياهمومنا امشي.. وفارقينا
🌾بقلمي/صفاء الخواجة 🌾
ليست هناك تعليقات:
إرسال تعليق