💥هاتوا رقبتها💥
أنا مش قد بداية جديدة
فيه جوايا مخاوف. حيرة
مين يتحمل فشلي لو أفشل
ويرجعني لدنيا سعيدة؟
***
أبدا مش باهرب واماطل
بس الدنيا القاسية خدتني
جوه دموعي ويأسي رمتني
أيوه وجوه الحزن سابتني
***
أنا دلوقتي باصارع همي
وأبعد عن كل إللي خذلني
أو يتعدى حدوده .معايا
أو لو فاكر نفسه شَغلني
***
مين ح يمد لقلبي . إيديه
يرحم ضعفه. بشوق يرقيه
ويهدهده.. ويحايل فيه
مين بحنانه يحن عليه؟
***
لا باسددها ولا باقفلها
بس بروحي وقلبي قَريتها
ح يسنوا السكاكين ويقولوا
هاتوا رقبتها وفرحة خدتها
***
يبقى الصح لو أبعد عنها
شر وسوء عن نفسي بعدته
أصل كفاية إللي أنا حَملته
طول العمر لنفسي وشيلته
***
💥بقلمي/ صفاء الخواجة 💥
ليست هناك تعليقات:
إرسال تعليق