"نقطة ومن اول السطر"
-----------------------------
كانت حياتنا سوا
أشبه بفيلم جميل
وعرفنا معنى الهوى
وقلنا فيه مواويل..
ودقنا طعم الهنا..
وفراقنا كان مستحيل
فجأة بقيت وحداني
وعرفت معنى القهر
والقلب يصرخ ينادي
يطلب شوية صبر
حبيبي فجأة هجرني
دوقني طعم المر
معقولة ينكر عمايلي
ويكون جزائي الغدر
قالوا لي زي ماباعك
بيعه بأرخص سعر
وأبدأ حياتك من جديد
وامحي آثار الهجر
وشوف حبيب يرعاك
في العسر زي اليسر
هاحاول أبدأ تاني
واستنى نور الفجر
وانسى الحكاية القديمة
وأداوي جرح الغدر
وأحط نقطة كبيرة
ومن بداية السطر.
---------------------------
بقلمي؛
م/محمود الحريري
ليست هناك تعليقات:
إرسال تعليق