♥️لمة عيلتنا ♥️
يالمة عيلتي وحشاني
ياجدة ياعمي ياخالي
ياريت نرجع ونتقابل
رجوعكم يمحي أحزاني
ويشفي القلب من غربة
ويمسح عني أوجاعي
بصدق كنا.. نتجمع
ونلقى نصيحة تنفعنا
بكل الحب .. تتقدم
تزيح م القلب اشجاننا
نوادر كنا ..نسمعها
فى اخراها نكون نمنا
كانت أوضة ف كل بيوتنا
شرحة وبرحة وفيها ريحتنا
طيبة وحب يحسه الضيف
ويحب دفانا . ولمتنا
جوه اللمة كتير حكايات
تسعد قلب كبير وصغير
وحنان جوه قلوب يملاها
عمة وخالة وحب كتير
أما الجد ..معاه الجدة
اجمل حضن وفاءه كبير
دي لمة وذكرى وسعادة
وفرحة جوه ضحكاية
بُعادها للقلوب.. سابنا
بقهرة ودمعة ف حكاية
لمة عيلة ف وقت الحنة
أو لزفاف وطهور ونجاح
تلقى العزوة جميلة وحلوة
حلوة اللمة مافيها جراح
حلوة اللمة بكل جيراننا
حلوة بناسنا وكل ما لينا
جنة ربي تقابل .. دايما
اللي بحبه يساع أمانينا
يالمة جميلة وفاتتنا
وجتنا أيام ماغاتتنا
قلوب دافية وسابتنا
وسابت بالقلوب خوفنا
♥️بقلمي/ صفاء الخواجة ♥️
ليست هناك تعليقات:
إرسال تعليق