🥀سجال دويتو بين الشاعرين🥀
م . محمود الحريري
أ.صفاء الخواجة
بعنوان
🥀ملهاش مثيل🥀
🌻🌻🌻🌻🌻🌻🌻
أ. صفاء
م أقبلشي يكون لي شريك
يقاسمني مشاعر فيك
مش ح أقبل يبقى لي ف قلبك
يا حبيبي عزول يحاكيك
م. محمود
وحياتك عندي ياغالية
ياحياتي وضي عنيا
مقدرش أعيش من غيرِك
ولا ليكي مثيل في الدنيا
أ. صفاء
لو ناوي تحب ..وتهواني
خلص حواديتك و كلامك
مع كل حبايبك و جيرانك
و أفضى لي بقلبك و حنانك
م. محمود
أنا ناوي أعيشلِك ولوحدِك
واعطيكي حنان يسعد قلبِك
فضيت القلب عشان حُبِّك
وتركت الكل عشان خاطرك
أ. صفاء
أنا أصلي يا روحي بأغير
و ما احبش رغي كتير
ولا أحب تسبل و تلاغي
عصفورة من العصافير
م. محمود
أنا عارف إنك بتغيري
لو عيني زاغت يبقى ياويلي
قلبى بيهواكي ياعصفورة
خليكي معايا إوعي تطيري
أ. صفاء
دي شروطي و طبعي و إحساسي
لو عايز قلبي ...و دقاتي
نفذ لكلامي و طلباتي
و إثبت لي الحب دليل
م. محمود
أبصم بالعشرة اني موافق
على كل شروطِك وكلامِك
وهانفذ فوراً طلباتِك
دانا قلبي منور بغرامِك
أ. صفاء
يا تفارق وتسيبني ف حالي
غيرك راح يقبل بغرامي
وبكل دلالي و أوضاعي
ولا يرضى يشوف لي بديل
م. محمود
مقدرش أسيبك أو افارقِك
ولا اشوف مخلوق يسكن قلبِك
أنا بَعشَق طبعِك ودلالِك
وموافق على كل عمايلِك
أ. صفاء
لو جيتني ح تعرف و تقارن
بيني وبين سابق أيامك
و تحس حناني و أشواقي
مالهاش ولا زي ولا مثيل
م. محمود
من يوم ماعرفتِك حبيتِك
والهوىٰ جَمَّع بيني وبينِك
أجمل منك عيني ماشافت
ومفيش زيك ولا فيه مثيلك
------------------------------------
كلمات
🥀أ. صفاء الخواجة 🥀
🥀م. محمود الحريري 🥀
ليست هناك تعليقات:
إرسال تعليق