إهداء إلى روح زوجتي رحمها الله.. بمناسبة ذكرى ميلادها
"النهارده عيد ميلادك"
---------------------------
النهاردة عيد ميلادك
وانتي غايبة عن عنينا
بس روحك لسه عايشة
دايماً بترفرف حوالينا
حبك ساكن جوه قلوبنا
بينور ضلمة ليالينا
لما رحلتي الحزن غلبنا
والله ياغالية وحشتينا
.............
كنتي ضحكة مالية بيتنا
راحت الضحكة وغابت
كنتي نوارة حياتنا
والحياة بعدك ماطابت
كنتي زي الوردة زاهية
دبلت الوردة وماتت
كنتي زي الشمعة قايدة
إنطفت فجأة ودابت
..........
النهاردة عيد ميلادك
وانتي في دار النعيم
ربنا يصبر قلوبنا
دا الفراق صعب وأليم
----------------------------
بقلمي؛
م/محمود الحريري
ليست هناك تعليقات:
إرسال تعليق